កិច្ចប្រជុំក្រុមការងាររបស់គណ:កម្មាធិការចំពោះកិច្ចដោះស្រាយបញ្ហាប្រឈមពាក់ព័ន្ធនឹងការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ទីស្ដីការក្រសួង៖ នាថ្ងៃពុធ ទី៣ ខែមេសា ឆ្នាំ២០២៤ ឯកឧត្ដម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានអញ្ជើញដឹកនាំកិច្ចប្រជុំក្រុមការងាររបស់គណ:កម្មាធិការចំពោះកិច្ចដោះស្រាយបញ្ហាប្រឈមពាក់ព័ន្ធនឹងការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដោយមានការចូលរួមពីឯកឧត្ដមអនុរដ្ឋលេខាធិការ និងមន្ត្រីជំនាញពាក់ព័ន្ធ។ កិច្ចពិភាក្សានេះរៀបចំឡើងដើម្បីសិក្សា និងលើកផែនការបន្ថែមទីតាំងស្ថានីយត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ សម្រាប់រយៈពេលខ្លី មធ្យម និងវែង ទៅកាន់ដៃគូអភិវឌ្ឍន៍ក្នុងការពិនិត្យលទ្ធភាព ក៏ដូចជាផ្ដល់ជំនួយបច្ចេកទេស ក្នុងការសិក្សារៀបចំផែនការមេបន្ថែមស្ថានីយត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ទីតាំងមួយចំនួនបន្ថែមទៀតនៅក្នុងគម្រោង។ ទន្ទឹមនឹងនេះ ឯកឧត្ដមរដ្ឋលេខាធិការប្រធានអង្គប្រជុំ បានស្នើសុំក្រុមការងារបច្ចេកទេសពាក់ព័ន្ធពិនិត្យលទ្ធភាពសិក្សា រៀបចំបែបបទនីតិវិធីស្តង់ដារប្រតិបត្តិនៃការត្រួតពិនិត្យយានយន្ត និងលើកផែនការធ្វើទំនើបកម្មស្ថានីយនៅតាមទីតាំងនីមួយៗ តាមប្រព័ន្ធបច្ចេកវិទ្យាទំនើប និងធ្វើលិខិតឆ្លើយតប បំពេញភារកិច្ចពាក់ព័ន្ធផ្សេងៗទៀតជាមួយដៃគូអភិវឌ្ឍន៍ ដើម្បីពន្លឿនប្រសិទ្ធភាពការងារ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube