ស្វែងយល់អំពីការប្រើប្រាស់គន្លងឱ្យបានត្រឹមត្រូវ និងការបញ្ចូលសមតុល្យជាមុន ដើម្បីបញ្ចៀសការកកស្ទះនៅបញ្ជរបង់ប្រាក់ផ្លូវល្បឿនលឿន ផ្លូវល្បឿនលឿនភ្នំពេញ-ក្រុងព្រះសីហនុ ត្រូវបានបែងចែកជាបីគន្លង ដែលមានដូចខាងក្រោម៖ -គន្លង ETC៖ អាចចេញចូលដោយស្វ័យប្រវត្តិ សម្រាប់យានយន្តដែលបានបំពាក់ឧបករណ៍ ETC-OBU និងបញ្ចូលទឹកប្រាក់ជាមុនទៅក្នុងផ្លាកលេខតាម កម្មវិធីធនាគារក្នុងទូរស័ព្ទដៃ (Mobile Banking)។ -គន្លង ANPR៖ មិនចាំបាច់យកកាតនៅច្រកចូល កាត់បន្ថយការរង់ចាំយូរនៅច្រកចេញ គ្រាន់តែបញ្ចូលទឹកប្រាក់ជាមុនទៅក្នុងផ្លាកលេខតាម កម្មវិធីធនាគារក្នុងទូរស័ព្ទដៃ (Mobile Banking)។ -គន្លងធម្មតា៖ ត្រូវយកកាតនៅច្រកចូល ប្រគល់កាតត្រឡប់មកវិញនៅច្រកចេញដើម្បីគិតប្រាក់។ ការទូទាត់ប្រាក់មានច្រើនជម្រើស រួមមាន ការទូទាត់ជាក្រដាសប្រាក់ ការទូទាត់តាមម៉ាស៊ីនឆូតកាតរបស់ធានាគារដែគូ និងការទូទាត់ប្រាក់ដោយស្វ័យប្រវត្តិតាមផ្លាកលេខដោយ កម្មវិធីធនាគារក្នុងទូរស័ព្ទដៃ (Mobile Banking)។ បងប្អូនត្រូវដឹងថា យានយន្តរបស់ខ្លួនអាចចូលចេញគន្លងណាបាន អាស្រ័យទៅតាមការណែនាំខាងលើ។ ប៉ុន្តែប្រសិនបើជ្រើសយកការប្រើប្រាស់គន្លង ETC ឬ ANPR សូមបងប្អូនបញ្ចូលសមតុល្យទៅក្នុងផ្លាកលេខជាមុន តាមរយៈកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និងដឹកជញ្ជូន ដែលវាពិតជាជួយសន្សំពេលវេលា និងផ្តល់ភាពងាយស្រួល៕