វិទ្យាស្ថានតេជោសែន សាធារណការ និងដឹកជញ្ជូន រៀបចំកិច្ចប្រជុំគណៈកម្មការប្រឡង និងអនុគណៈកម្មការ សម្រាប់ត្រៀមរៀបចំការប្រឡងជ្រើសរើសនិស្សិតជំនាន់ទី៤ ឆ្នាំសិក្សា២០២៣-២០២៤ នារសៀលថ្ងៃទី២៣ ខែវិច្ឆិកា ឆ្នាំ២០២៣ នៅសាលប្រជុំវិទ្យាស្ថាន លោក ប្រាងហង្ស សេរីរិទ្ធ នាយកស្តីទីវិទ្យាស្ថាន និងជាប្រធានគណៈកម្មការប្រឡង បានអញ្ជើញដឹកនាំកិច្ចប្រជុំ គណៈកម្មការរៀបចំប្រឡង អនុគណៈកម្មការចំពោះកិច្ចគ្រប់ផ្នែក ដើម្បីធ្វើការពិភាក្សាត្រៀមរៀបចំការប្រឡងជ្រើសរើសនិស្សិតជំនាន់ទី៤ ដោយគ្រោងនឹងធ្វើឡើងនៅថ្ងៃទី១៣ មករា ២០២៤ ខាងមុខនេះ នៅវិទ្យាស្ថានតេជោសែន សាធារណការ និងដឹកជញ្ជូន។ កិច្ចប្រជុំនេះ មានការចូលរួមពី លោក លោកស្រី ថ្នាក់ដឹកនាំនាយកដ្ឋាន ព្រមទាំងសមាជិក សមាជិកា នៃអនុគណៈកម្មការនីមួយៗ ដែលពាក់ព័ន្ធផងដែរ។ វិទ្យាស្ថាននឹងចាប់ផ្តើមបើកទទួលពាក្យប្រឡង ជ្រើសរើសនិស្សិតជំនាន់ទី៤ ចំនួន៣០០នាក់ ឱ្យចូលរៀនថ្នាក់បរិញ្ញាបត្រ និងបរិញ្ញាបត្រ+១ ឆ្នាំសិក្សា២០២៣-២០២៤ នៅការិយាល័យសិក្សាជាន់ផ្ទាល់ដី ចាប់ពីថ្ងៃទី៣០ ខែវិច្ឆិកា ឆ្នាំ២០២៣ រហូតដល់ថ្ងៃទី៨ ខែមករា ឆ្នាំ២០២៤។ ព័ត៌មានលម្អិតសូមទាក់ទងលេខ : 098 21 02 21 / 078 21 01 21 Group Telegram ជំនាន់ទី៤ : https://t.me/tsipwtentrance2024 Channel Telegram វិទ្យាស្ថាន : https://t.me/tsipwtofficial Email : info@tsipwt.edu.kh