[Kampucheathmey] - បណ្ណអនុញ្ញាតបើកបរអន្តរជាតិ អាចប្រើបានប្រទេសណាខ្លះ?
2023-06-16
Go to the website published Kampucheathmey
បណ្ណអនុញ្ញាតបើកបរអន្តរជាតិ អាចប្រើសម្រាប់បើកបរបាន ៩៩ប្រទេស រួមមាន សហរដ្ឋអាមេរិក ថៃ វៀតណាម សិង្ហបុរី អូស្ត្រាលី បារាំង ឥណ្ឌា ហ្វីលីពីន អ៉ីតាលី ជប៉ុន និងប្រទេសហត្ថលេខីដទៃទៀត ហើយបណ្ណអនុញ្ញាតបើកបរ អន្តរជាតិនេះ គឺមានសុពលភាព ១ឆ្នាំ។ នេះបើយោងតាមចេញផ្សាយរបស់ ក្រសួងសាធារណការ និងដឹកជញ្ជូន។
បើតាមក្រសួងសាធារណការ បណ្ណអនុញ្ញាតបើកបរអន្តរជាតិ គឺអាចប្រើប្រាស់បាននៅគ្រប់បណ្ដាប្រទេសហត្ថលេខីលើ អនុសញ្ញាស្ដីពីចរាចរណ៍ផ្លូវគោក(៩៩ប្រទេស) ស្របតាមអនុសញ្ញាស្ដីពីចរាចរណ៍ផ្លូវគោក ទីក្រុងវីយ៉ន ថ្ងៃទី១៩ ខែកញ្ញា ឆ្នាំ១៩៤៩ ដោយគ្រាន់តែស្នើរសុំប្តូរបណ្ណបើកបរជាតិ ទៅជាបណ្ណអនុញ្ញាតបើកបរអន្តរជាតិប៉ុណ្ណោះ។
គួរបញ្ជាក់ថា ថ្មីៗនេះ ក្រសួងសាធារណការ បានចេញផ្សាយជម្រាបពីការស្នើរសុំប្តូរពីបណ្ណបើកបរជាតិ ទៅជាបណ្ណអនុញ្ញាតបើកបរអន្តរជាតិ ដោយគ្រាន់តែតម្រូវឱ្យមានបណ្ណបើកបរ (ច្បាប់ដើម) អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច) និងរូបថតខ្នាត ៤.៥ x ៤.៥ ផ្ទៃពណ៌សចំនួន ៤សន្លឹក ដោយអស់កម្រៃសេវា ២៥០.០០០ រៀល៕
