[Kampucheathmey] - រដ្ឋបាលខេត្តត្បូងឃ្មុំ ពង្រីកផ្លូវ ១ គីឡូម៉ែត្រជុំវិញរង្វង់មូលហ្លួងព្រះស្ដេចកន
2023-05-02
Go to the website published Kampucheathmey
បើតាមលោក ជាម ច័ន្ទសោភណ្ឌ អភិបាលនៃគណៈអភិបាលខេត្តត្បូងឃ្មុំថ្លែងនៅក្នុងសន្និសីទដែលរៀបចំដោយអង្គភាពអ្នកនាំពាក្យកាលពីពេលថ្មីៗកន្លងទៅនេះថា រដ្ឋបាលខេត្តកំពុងគិតគូររៀបចំពង្រីកផ្លូវ ១ គីឡូម៉ែត្រសងខាងជុំវិញរង្វង់មូលហ្លួងព្រះស្ដេចកន ដើម្បីលើកសោភណភាពឱ្យកាន់តែស្រស់ស្អាតថែមមួយកម្រិតទៀត។
ថ្លែងនៅចំពោះមុខអ្នកសារព័ត៌មាននៅក្នុងសន្និសីទជោគជ័យ ៥ ឆ្នាំ របស់រដ្ឋបាលខេត្តត្បូងឃ្មុំកាលពីពេលថ្មីៗនេះ លោកអភិបាលខេត្តបានចង្អុលបង្ហាញយ៉ាងដូច្នេះថា «បន្ទាប់ពីយើងរៀបចំរង្វង់មូលហ្លួងព្រះស្តេចកនហើយ ដូច្នេះប្រសើនបើផ្លូវតូច ក៏មិនសក្កិសម មិនទំនើប មិនស៊ីវិល័យ និងរង្វង់មួលព្រះស្តេចកនដែរ ចឹងហើយទើបរដ្ឋបាលខេត្តសម្រេចថានឹងពង្រីកផ្លូវសងខាងរង្វង់មួល ១គីឡូម៉ែត្រ ដើម្បីឱ្យរង្វង់មូលធំ សមស្របនឹងផ្លូវ»។
រង្វង់មូលរូបសំណាកហ្លួងព្រះស្ដេចកន គឺជាសមិទ្ធផលថ្មីមួយបន្ថែមទៅលើសមិទ្ធផលជាច្រើនទៀត នៅតំបន់រដ្ឋបាលប្រមូលផ្តុំនៃទីរួមខេត្តត្បូងឃ្មុំ។
ពាក់ព័ន្ធរង្វង់មូលរូបសំណាកហ្លួងព្រះស្ដេចកន សាងសង់ឡើងមានអង្កត់ផ្ចិត ៣៦ម៉ែត្រ និងមានផ្ទៃក្រឡា ១,០១៧ ម៉ែត្រការ៉េ សង់ចេញពីស្ពាន់សុទ្ធសាត។ បច្ចុប្បន្ននេះរដ្ឋបាលខេត្តបានកំពុងធ្វើការពង្រីកផ្លូវ ១ គីឡូម៉ែត្រ សងខាងជុំវិញរង្វង់មូលរូបសំណាកហ្លួងព្រះស្ដេចកន ដើម្បីឱ្យកាន់មានភាពស័ក្កសម និងជួយលើកមុខមាត់ខេត្តបន្តទៀតក្នុងការរំលេចចេញនូវរូបសំណាក់មួយនេះ៕
