ក្រុមការងារ ស.ស.យ.ក វិស័យសាធារណការ និងដឹកជញ្ជូន ចូលរួមដាក់តាំងពិពណ៍ ផ្សព្វផ្សាយឯកសារច្បាប់ចរាចរណ៍ផ្លូវគោក និងដាក់តាំងកាតដែលជាសមិទ្ធផលធ្វើដោយដៃរបស់ក្រុមអាជីវកម្ម បង្ហាញជូនភ្ញៀវទេសចរណ៍ជាតិ អន្ដរជាតិ ក្នុងព្រឹត្តិការណ៍អង្គរសង្ក្រាន ខួបលើកទី ១០ ឆ្នាំ ២០២៣ នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំថោះ សៀមរាប ៖ នាថ្ងៃទី១៤-១៦ ខែមេសា ឆ្នាំ២០២៣ ក្រុមការងារ ស.ស.យ.ក វិស័យសាធារណការ និងដឹកជញ្ជូន បានចូលរួមពិព័រណ៍ក្នុងព្រឹត្តិការណ៍អង្គរសង្ក្រាន ខួបលើកទី ១០ ឆ្នាំ ២០២៣ ដោយបានផ្សព្វផ្សាយឯកសារច្បាប់ចរាចរណ៍ផ្លូវគោក និងមានការចែកជូនមួកសុវត្ថិភាព និងដាក់តាំងកាតដែលជាសមិទ្ធផលធ្វើដោយដៃរបស់ក្រុមអាជីវកម្ម បង្ហាញជូនភ្ញៀវទេសចរណ៍ជាតិ អន្ដរជាតិ ដែលបានអញ្ជើញមកកម្សាន្តក្នុងទឹកដីអង្គរ ផងដែរ។ សូមជម្រាបជូនផងដែរថា ពិព័រណ៍ក្នុងព្រឹត្តិការណ៍អង្គរសង្ក្រាន ខួបលើកទី ១០ ឆ្នាំ ២០២៣ នេះនឹងប្រព្រឹត្តិទៅរយៈពេល៣ថ្ងៃ គឺចាប់ពីថ្ងៃទី១៤ ដល់១៦ ខែមេសា ឆ្នាំ២០២៣ ដោយពិធីបេីកជាផ្លូវការ ក្រោមវត្តមានដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕