ដឹងទេថា! ឆៀកចល័ត ក៏មានវត្តមានក្នុងកម្មវិធី «អបអរសាទរ ខួប៣ឆ្នាំ លេខពិសេសផ្ទាល់ខ្លួន» នៅសួនច្បារវត្តបទុមវតីដែរ កម្មវិធីអបអរសារទរ ខួប៣ឆ្នាំ នៃការដាក់លក់ជាផ្លូវការ លេខពិសេសផ្ទាល់ខ្លួន ត្រូវបានប្រារព្ធពិធីបើកយ៉ាងឱឡារឹក កាលពីព្រឹកមិញ ក្រោមអធិបតីភាពដ៏ខ្ពង់ខ្ពស់ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន។ ព្រឹត្តិការណ៍ដ៏អស្ចារ្យនេះ នឹងប្រារព្ធឡើងរយៈពេលពីរថ្ងៃ (០៧-០៨ មីនា) ដោយមានរៀបចំការតាំងពិព័រណ៍ផ្លាកលេខ និងរថយន្ត, ការដាក់តាំងលក់ និងដេញថ្លៃលេខពិសេស ដើម្បីកៀរគរថវិកាជួយដល់មូលនិធិគន្ធបុប្ផា និងមន្ទីរពេទ្យកុមារជាតិ។ លើសពីនេះ នៅល្ងាចថ្ងៃទី០៨ ក៏មានការប្រគំតន្ត្រី ដោយចូលរួមពីសំណាក់សិល្បករ សិល្បការិនីល្បីៗ ក្នុងន័យបញ្ជ្រាបការយល់ដឹងអំពីសុវត្ថិភាពចរាចរណ៍ផ្លូវគោក ទៅកាន់សាធារណជន។ ទន្ទឹមនឹងនោះ ឆៀកចល័តក៏មានវត្តមាននៅទីតាំងនោះដែរ ដូច្នេះបងប្អូនម្ចាស់យានយន្តអាចយករថយន្តទៅត្រួតពិនិត្យលក្ខណៈបច្ចេកទេស(ឆៀក) ដោយផ្ទាល់ និងងាយស្រួលឆាប់រហ័ស៕ ::: កាលបរិច្ឆេទ៖ ០៧-០៨/មីនា/២០២៣ ::: ទីតាំង៖ សួនច្បារវត្តបទុមវតី រាជធានីភ្នំពេញ ::: ម៉ោង៖ ៨ព្រឹក ដល់ម៉ោង ៩យប់ ::: ព័ត៌មានបន្ថែម៖ 1275