[BTV] - រដ្ឋមន្ត្រីក្រសួងសាធារណការកំពុងពិនិត្យគុណភាព និងវឌ្ឍនភាពផ្លូវក្រវាត់ក្រុងទី៣
2023-02-28
Go to the website published BTV
ភ្នំពេញ ៖ នារសៀលថ្ងៃទី២៨ ខែកុម្ភៈ ឆ្នាំ២០២៣ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បាននិងកំពុងដឹកនាំគណៈប្រតិភូ និងមន្ត្រីជំនាញពាក់ព័ន្ធត្រួតពិនិត្យវឌ្ឍនភាព និងគុណភាពរួមទាំងលក្ខណៈបច្ចេកទេសផ្លូវក្រវាត់ក្រុងទី៣ ដែលតភ្ជាប់មហាវិថីឈ្នះឈ្នះទៅកាន់ផ្លូវជាតិលេខ១។
ផ្លូវក្រវាត់ក្រុងទី៣ មានប្រវែងសរុបជាង ៥២គីឡូម៉ែត្រ តភ្ជាប់ផ្លូវជាតិលេខ៦ មហាវិថីឈ្នះ ឈ្នះ ផ្លូវជាតិលេខ៥ ផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ២ ទៅជាតិលេខ២១ នាំកាត់ទន្លេបាសាក់ព្រមទាំងកោះអន្លង់ចិន និងតភ្ជាប់ផ្លូវជាតិលេខ១ ពិសេសតភ្ជាប់ចំណតកំពង់ផែកុងទីន័រថ្មីរបស់កំពង់ផែស្វយ័តភ្នំពេញនៅស្រុកកៀនស្វាយ។ ផ្លូវនេះគឺជាផ្លូវដ៏ធំ និងទំនើបដែលបម្រើឲ្យការដឹកជញ្ជូន និងជាការតភ្ជាប់ផ្លូវអាស៊ាន highway និងផ្លូវរបៀងសំខាន់ៗរបស់មហាអនុតំបន់ទន្លេមេគង្គ។
ផ្លូវក្រវាត់ក្រុងទី៣ បានសាងសង់ឡើងក្នុងគម្រោងចំណាយប្រមាណ ២៦៧ លានដុល្លារសហរដ្ឋអាមេរិក ដោយប្រើរយៈពេលសាងសង់៥៤ខែ និងសម្រេចបានប្រមាណ ៨៩ភាគរយហើយ បើគិតត្រឹមថ្ងៃទី២៥ ខែកុម្ភៈ ឆ្នាំ២០២៣៕
