ក្រុមការងារ ស.ស.យ.ក វិស័យសាធារណការ និងដឹកជញ្ជូន ដាក់តាំងបង្ហាញសមិទ្ធផលធ្វើដោយដៃ របស់ក្រុមអាជីវកម្ម នៅក្នុងពិព័រណ៍ផលិតផលខ្មែរ និងទំនិញនាំចេញ-នាំចូល កម្ពុជា លើកទី១៥ ឆ្នាំ២០២២ ភ្នំពេញ៖ ថ្ងៃព្រហស្បតិ៍ ៧រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៥ ខែធ្នូ ឆ្នាំ២០២២ ក្រុមការងារ ស.ស.យ.ក វិស័យសាធារណការ និងដឹកជញ្ជូន ដឹកនាំដោយ លោកស្រី កុយ សុដានី អនុប្រធានក្រុមការងារក្នុងវិស័យ បានចូលរួមពិព័រណ៍អន្ដរជាតិ ដោយបានដាក់តាំងបង្ហាញជូនភ្ញៀវទេសចរណ៍ជាតិ អន្ដរជាតិ នូវកាតជូនពរ ដែលជាសមិទ្ធផលធ្វើដោយដៃ របស់ក្រុមអាជីវកម្ម និងមានការចែកជូនមួកសុវត្ថិភាពផងដែរ។ គួរបញ្ជាក់ផងដែរថា ពិព័រណ៍ផលិតផលខ្មែរ និងទំនិញនាំចេញ-នាំចូល កម្ពុជាលើកទី១៥ ឆ្នាំ២០២២ ត្រូវបានប្រារព្ធឡើងក្នុងរយៈពេល៤ថ្ងៃ គឺចាប់ពីថ្ងៃទី១៥ ដល់ថ្ងៃទី១៨ ខែធ្នូ ឆ្នាំ២០២២ នៅមជ្ឈមណ្ឌលពិព័រណ៍ និងសន្និបាត កោះពេជ្រ រាជធានីភ្នំពេញ៕