ក្រុមការងារ ស.ស.យ.ក វិស័យសាធារណការ និងដឹកជញ្ជូន បន្ដចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ជូនដល់បងប្អូនប្រជាពលរដ្ឋនៅតាមដងផ្លូវសំខាន់ៗក្នុងក្រុងសៀមរាប សៀមរាប៖ ថ្ងៃសុក្រ ១១កើត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែវិច្ឆិកា ឆ្នាំ២០២២ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈ ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប បានបន្ដចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ជូនដល់បងប្អូនប្រជាពលរដ្ឋដែលធ្វើដំណើរតាមដងផ្លូវសំខាន់ៗ ក្នុងក្រុងសៀមរាប។ ក្នុងនោះផងដែរក្រុមការងារក៏មានការចែកជូននូវសៀវភៅច្បាប់ស្ដីពីចរាចរណ៍ផ្លូវគោក ចំនួន១២០ច្បាប់ និងប័ណ្ណជំនួយស្មារតីនៃច្បាប់ចរាចរណ៍ផ្លូវគោក ចំនួន៣០០សន្លឹក ជូនដល់បងប្អូនប្រជាពលរដ្ឋ ព្រមទាំងចងបដាសុវត្ថិភាពនៅតាមទីតាំមមួយចំនួននៃដងផ្លូវផងដែរ៕