លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន អញ្ជើញដឹកនាំកិច្ចប្រជុំពិនិត្យសម្រេចចុងក្រោយលើធាតុចូលនៃសេចក្ដីព្រាងមាតិកា និងកំណត់ទស្សនទានយុវជនក្នុងបុព្វហេតុជាតិមាតុភូមិ ២០២៣-២០២៧ របស់ ស.ស.យ.ក ថ្ងៃពុធ ១៣កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែសីហា ឆ្នាំ២០២២ លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុងដើម្បីពិនិត្យសម្រេចចុងក្រោយ នៃការពិភាក្សាប្រមូលធាតុចូលលើសេចក្ដីព្រាងមាតិកា និងកំណត់ទស្សនទានយុវជនក្នុងបុព្វហេតុជាតិមាតុភូមិ ២០២៣-២០២៧ របស់ ស.ស.យ.ក ដែលកិច្ចប្រជុំនេះផងដែរក៏មានការអញ្ជើញចូលរួមពី លោក លោកស្រី អនុប្រធាន និងសមាជិកនៃលេខាធិការដ្ឋាន ស.ស.យ.ក ក្នុងវិស័យ សរុបចំនួន ៧រូប។ អង្គប្រជុំបានពិនិត្យនិងឯកភាពបញ្ចប់លើចំណុចសំខាន់ៗមួយចំនួនដែលត្រូវកែសម្រួល និងស្នើសុំបន្ថែមនូវខ្លឹមសារដែលពាក់ព័ន្ធជាមួយវិស័យសាធារណការ និងដឹកជញ្ជូនសម្រាប់ដាក់ជូនក្រុមការងាររៀបចំសេចក្ដីព្រាងផែនការយុទ្ធសាស្ត្រ ស.ស.យ.ក ២០២៣-២០២៨៕