កិច្ចប្រជុំតាមរយៈប្រព័ន្ធវីដេអូពីចម្ងាយជាមួយតំណាងក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យពិភាក្សា លើកំណត់ហេតុនៃកិច្ចប្រជុំសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព័ន្ធប្រព្រឹត្តកម្មទឹក កខ្វក់នៅខេត្តព្រះសីហនុ ថ្ងៃព្រហស្បតិ៍ ៧កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៤ ខែសីហា ឆ្នាំ២០២២ នៅទីស្តីការក្រសួង ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំតាមរយៈប្រព័ន្ធវីដេអូពីចម្ងាយជាមួយតំណាងក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យពិភាក្សាលើកំណត់ហេតុនៃកិច្ចប្រជុំសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់នៅខេត្តព្រះសីហនុ ដោយមានការចូលរួមពីថ្នាក់ដឹកនាំក្រសួង និងមន្រ្តីជំនាញពាក់ព័ន្ធ៕ ជាលទ្ធផល អង្គប្រជុំបានសម្រេចលើ២ចំនុចរួមមាន៖ ១) ក្រសួងនឹងធ្វើការកែសម្រួលនូវពង្រាងកំណត់ហេតុដែលភាគីចិនបានផ្ញើមក និងបញ្ជាក់ពីតម្រូវការចាំបាច់ផ្សេងៗ ដែលក្រសួងចង់បាន រួចផ្ញើពង្រាងនេះជូនភាគីចិនវិញ។ ភាគីចិននឹងអាចឯកភាពចុះហត្ថលេខានៅលើពង្រាងនេះតែម្តង ក្នុងករណីមិនការឯកភាព ក្រសួងនឹងធ្វើការណាត់ជួបដោយផ្ទាល់ដើម្បីធ្វើការបកស្រាយបន្ថែមទៀត ២) បន្ទាប់ពីទទួលបានលទ្ធផលចុងក្រោយ ក្រសួងសាធារណការ និងដឹកជញ្ជូន នឹងយោងឯកសារទាំងនោះ ហើយធ្វើសេចក្តីរាយការណ៍ទៅក្រសួងសេដ្ឋកិច្ច និងហិរញ្ញវត្ថុ ដើម្បីសុំចំណាត់ការបន្តទៀត៕