ជំនួបពិភាក្សាបន្តស្តីពីការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ថ្ងៃព្រហស្បតិ៍ ១៥រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែកក្កដា ឆ្នាំ២០២២ នៅទីស្តីការក្រសួង ឯកឧត្តម សំរ៉ង់ឌី ណាម៉ូ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជួបពិភាក្សាការងារជាមួយក្រុមការងារបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន(JICA) ដើម្បីបន្តពិភាក្សាអំពីការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ដោយមានការចូលរួមពីថ្នាក់ដឹកនាំអគ្គនាយកដ្ឋានប្រព័ន្ធចម្រោះទឹកកខ្វក់ មន្ត្រីជំនាញបច្ចេកទេស និងភាគីពាក់ព័ន្ធ។ អង្គប្រជុំបានបន្តពិភាក្សាលើ ១) បច្ចេកទេសនៃការប្រើប្រាស់ម៉ាស៊ីនបូមទឹកកខ្វក់ ២) វិធានការថែទាំលើម៉ាស៊ីនបូមទឹកកខ្វក់ ៣) បច្ចេកទេសនៃការប្រើប្រាស់ម៉ាស៊ីនភ្លើងនៅតាមស្ថានីយបូម ៤) ការតភ្ជាប់ថាមពលចរន្តភ្លើងទៅនឹងឧបករណ៍ប្រើប្រាស់ផ្សេងៗដែលមាននៅក្នុងស្ថានីយបូម៕