[Reasmey Kampuchea] - មន្ទីរសាធារណការ ខេត្តរតនគិរី ចុះផ្សព្វផ្សាយពីច្បាប់ចរាចរណ៍ផ្លូវគោក
រតនគិរី: កាលពីថ្ងៃទី៣០ ខែមិថុនា ឆ្នាំ២០២២ ការិយាល័យ សុវត្ថិភាព ចរាចរណ៍ នៃមន្ទីរសាធារណការ និងដឹកជញ្ជូន ខេត្តរតនគិរី បានសហការជាមួយ កម្លាំងនគរបាលចរាចរណ៍ នៃស្នងការដ្ឋាននគរបាលខេត្ត អធិការដ្ឋាននគរបាលស្រុកកូនមុំ បានចុះផ្សព្វផ្សាយ និងចែកជូនឯកសារ ពាក់ព័ន្ធនឹងច្បាប់ចរាចរណ៍ ដល់ប្រជាពលរដ្ឋ នៅទីរួមស្រុកកូនមុំ។
ការចុះផ្សព្វផ្សាយនោះ គឺដើម្បីចូលរួមកាត់បន្ថយ គ្រោះថ្នាក់ចរាចរណ៍ ពីមាន អត្រាខ្ពស់ ឱ្យមកនៅទាបបំផុត ។ កន្លងមក តាមដងផ្លូវជាតិលេខ៧៨ ក្នុងស្រុកកូនមុំ តែងតែមាន គ្រោះថ្នាក់ចរាចរណ៍ ជាញឹកញាប់ បង្កឲ្យមានមនុស្សស្លាប់ និងរងរបួស។
មន្ទីរក៏បានផ្សព្វផ្សាយ ចែកសៀវភៅច្បាប់ចរាចរណ៍ផ្លូវគោក ២៥០ ក្បាល, សៀវភៅសម្រាប់ អ្នកបើកបរម៉ូតូ ២៥០ ក្បាល, សញ្ញាចរាចរណ៍សំខាន់ៗ ៤០ ផ្ទាំង, សីលធម៌ ១០ សម្រាប់អ្នកបើកបរ ២៥០ សន្លឹក, ស្ទីកឃ័រចំណាំងផ្លាត ២៥០ សន្លឹក, ពាក្យស្លោក ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ ៤០ សន្លឹក និងបានចែកជូនឯកសារ ដល់អធិការដ្ឋាននគរបាល ស្រុកកូនមុំ មួយចំនួន និងស្ទីគឃ័រចំណាំងផ្លាត ចំនួន ១.០០០ សន្លឹក៕
