ភ្នំពេញ៖ កំណាត់ជាតិលេខ៤ ក្រោមគម្រោងហិរញ្ញប្បទានពីធនាគារពិភពចំនួន១១០លានដុល្លារអារមេរិក នឹងត្រូវលើកកម្រិតគុណភាព និងពង្រីកទទឹងតួផ្លួវឱ្យធំជាងបច្ចុប្បន្ន ដើម្បីបង្កភាពងាយស្រួលក្នុងការធ្វើចរាចរណ៍របស់យានយន្ត សំដៅកាត់បន្ថយណ៍។ ឯកឧត្តមទេសរដ្ឋមន្ត្រី រដ្ឋមន្ត្រី មានប្រសាសន៍ថា កំណត់ជាតិលេខ៤ នឹងត្រូវពង្រីកតួទទឹង១០ម៉ែត្រ ទៅ១១ម៉ែត្រទៅតាមទីតាំងភូមិសាស្ត្រជាក់ស្តែង និងអ៊ុតបេតុកៅស៊ូAC ជាមួយនិងការលើកកម្ពស់ ខណៈកៅស៊ូបច្ចុប្បន្ន មានទទឹងតែ៧ម៉ែត្រ និងទាបងាយលិចលង់ដោយជំនន់ទឹកភ្លៀង។ ថ្លែងប្រាប់អ្នកសារព័ត៌មានក្នុងឱកាសចុះពិនិត្យគម្រោងជួសជុលជាតិលេខ៤ កាលពីថ្ងៃទី២២ ខែមិថុនា ឆ្នាំ២០២២ ឯកឧត្តមទេសរដ្ឋមន្ត្រី បានបញ្ជាក់ថា នៅលើកំណាត់ជាតិនេះ អាចស្ថាបនាចរាចរណ៍ពី២ទៅ៤គន្លង និងត្រូវពង្រីកចំនួន៤៨កន្លែងឱ្យបាន១០ម៉ែត្រ និងសាងសង់ថ្មីចំនួន៨កន្លែងទៀត ដើម្បីបញ្ចៀសទឹកជំនន់ ដែលតែងតែកាត់ផ្តាច់ចរាចរណ៍ស្ទើរជារៀងរាល់ឆ្នាំ។ ការពង្រីក និងជួសជុលជាតិលេខ៤ ធ្វើឡើងចាប់ពីឃុំបែកចាន ស្រុកអង្គស្នួល ខេត្តកណ្តាល ដល់នៅឃុំបិតត្រាំង ស្រុកព្រៃនប់ ខេត្តព្រះសីហនុ ដោយក្នុងគម្រោងនឹងត្រូវឱ្យរួចរាល់ទាំងស្រុងនៅត្រឹមចុងឆ្នាំឆ្នាំ២០២៦ ដើម្បីធន់នឹងការបម្រែបម្រួលអាកាសធាតុ និងបង្កើនសុវត្ថិភាពដល់ការធ្វើដំណើររបស់ប្រជាពលរដ្ឋ។ ឯកឧត្តម បានឱ្យដឹងថា គម្រោងស្ថាបនាឡើងវិញកំណាត់ជាតិលេខ៤នេះ បែងចែកជា៧កញ្ចប់ដើម្បីដាក់ឱ្យក្រុមហ៊ុនឯកជនដេញថ្លៃក្នុងការជួសជុល ដោយក្នុងនោះចំនួន៣កញ្ចប់កំពុងអនុវត្តឈួសឆាយកំណាត់ដែលដេញថ្លៃបាន ខណៈចំនួន២បានចុះហត្ថលេខាលើកិច្ចព្រមព្រៀងរួចរាល់ និងកំពុងរៀបចំបញ្ជូនគ្រឿងចក្រដើម្បីដំណើរ និង២កញ្ចប់ទៀតសម្រាប់គម្រោងស្ថាបនា កំពុងរៀបចំនីតិវិធីដាក់ឱ្យដេញថ្លៃ។ សូមបញ្ជាក់ថា គម្រោងធ្វើឱ្យប្រសើរឡើងនូវជាតិលេខ៤ ក៏នឹងផ្តោតផងដែរទៅលើការបង្កើនគុណភាពស្ថានីយថ្លឹងទម្ងន់រថយន្តធំ ការដំឡើងស្លាកសញ្ញាចរាចរណ៍ សញ្ញានាំ ប្រព័ន្ធភ្លើងបំភ្លឺប្រើថាមពលពន្លឺព្រះអាទិត្យ និងកាម៉េរ៉ាចាប់ល្បឿន ដោយសារជាតិមួយនេះ មានចរាចរណ៍យ៉ាងមមាញឹកឆ្លងកាត់តំបន់សេដ្ឋកិច្ច និងតំបន់កសិកម្មសម្បូរបែបជាច្រើនកន្លែង៕