ឯកឧត្តម ឡេង ធនយុទ្ធា រដ្ឋលេខាធិការ ក្រសួងសាធារណការ និងដឹកជញ្ជូន បាន អនុញ្ញាតឱ្យលោក Chris Humphrey នាយកប្រតិបត្តិនៃក្រុមប្រឹក្សាធុរកិច្ច សហភាពអឺរ៉ុប-អាស៊ាន(EU-ABC) ចូលជួបពិភាក្សាការងារ កាលពីថ្ងៃព្រហស្បតិ៍ ១១រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែឧសភា ឆ្នាំ២០២២ នៅទីស្តីការ ក្រសួង ដើម្បីណែនាំអំពីការងាររបស់ក្រុមប្រឹក្សាធុរកិច្ចសហភាពអឺរ៉ុប-អាស៊ាន (EU-ABC) និងពិភាក្សាលើការបំពាក់ប្រព័ន្ធហ្រាំ្វង ABS សម្រាប់ទោចក្រយានយន្ត នៅកម្ពុជាក៏ដូច ជាការធ្វើយុទ្ធនាការផ្សព្វផ្សាយអំពីការប្រើប្រាស់ប្រព័ន្ធហ្វ្រាំង ABS នេះផងដែរ។ នៅក្នុងឱកាសនោះ លោកនាយកប្រតិបត្តិបានគូសបញ្ជាក់ថា ក្រុមប្រឹក្សាធុរកិច្ច សហភាពអឺរុប-អាស៊ាន គ្រោងនឹងរៀបចំសិក្ខាសាលាស្តីពីប្រព័ន្ធហ្វ្រាំង ABS សម្រាប់ ទោចក្រយានយន្តតាមប្រព័ន្ធវីដេអូពីចម្ងាយនៅចុងខែមិថុនា ឆ្នាំ២០២២នេះ ដោយបានគូសបញ្ជាក់បន្ថែមទៀតថា ក្រុមប្រឹក្សាធុរកិច្ចសហភាពអឺរ៉ុប-អាស៊ាន (EU-ABC) អនុវត្តន៍ កិច្ចការសំខាន់ពីរនៅអាស៊ានរួមមាន៖ ទី១. ការផ្សព្វផ្សាយ និងការលើកកម្ពស់ការបំពាក់ ប្រព័ន្ធហ្វាំង ABS សម្រាប់ទោចក្រយានយន្ត ដែលមានល្បឿនអតិបរមាលើសពី៥០ គីឡូម៉ែត្រ ក្នុងមួយម៉ោង និងទី២. ការលើកកម្ពស់ការយល់ដឹង អំពីហានិភ័យ នៃការបើក បរក្រោមឥទ្ធិពលនៃគ្រឿងស្រវឹង ដើម្បីលើកកម្ពស់សុវត្ថិភាពក្នុងការបើកបរ។ ទន្ទឹមនឹងនេះ លោកនាយកប្រតិបត្តិបានសើ្នឱ្យកម្ពុជាអនុម័តលើការបំពាក់ ប្រព័ន្ធ ហ្រាំ្វងABS សម្រាប់ទោចក្រយានយន្តថ្មី ដោយសារប្រព័ន្ធហ្រាំ្វងនេះនឹងបានចូល រួមចំណែកក្នុងការបង្ការគ្រោះថ្នាក់ចរាចរណ៍ សម្រាប់ទោចក្រយានយន្ត និងជាធាតុ ចូលយ៉ាងសំខាន់អាចលើកឡើងនៅក្នុងកិច្ចប្រជុំថ្នាក់រដ្ឋមន្ត្រីដឹកជញ្ជូនអាស៊ាន នៅពេល ខាងមុខបាន។ ជាការឆ្លើយតប ឯកឧត្តមរដ្ឋលេខាធិការបានមានប្រសាសន៍ថា ការអនុម័តលើ ការប្រើប្រាស់ប្រព័ន្ធហ្វ្រាំង ABS សម្រាប់ទោចក្រយានយន្តត្រូវធ្វើឡើងដោយ ផ្អែកទៅលើ ច្បាប់ និងលិខិតបទដ្ឋានគតិយុត្តរបស់កម្ពុជាជាធរមាន ហើយក្រសួងនឹងលើកយក បញ្ហានេះទៅពិចារណា និងកែប្រែលិខិតបទដ្ឋានប្រសិនបើចាំបាច់ និងបានស្នើសុំឱ្យ EU-ABC រៀបចំគម្រោងក្នុងការផ្សព្វផ្សាយពីការប្រើប្រាស់ប្រព័ន្ធហ្វ្រាំង ABS សម្រាប់ទោចក្រ យានយន្តនេះឱ្យបានទូលំទូលាយនៅកម្ពុជា។ ជាមួយគ្នានេះដែរ ឯកឧត្តមរដ្ឋលេខាធិការបានមានប្រសាសន៍ថ្លែងអំណរគុណ ចំពោះគណៈប្រតិភូក្រុមប្រឹក្សាធុរកិច្ចសហភាព អឺរ៉ុប-អាស៊ាន EU-ASEAN ដែលមាន បំណងនាំយកបច្ចេកវិទ្យាប្រព័ន្ធហ្រាំ្វង ABS សម្រាប់ទោចក្រយានយន្ត ដើម្បីលើក កម្ពស់សុវត្ថិភាពចរាចរណ៍នៅកម្ពុជា៕ ដោយ ទេស ច័ន្ទសុធារី (ប្រភព៖ ក្រសួងសាធារណការ និងដឹកជញ្ជូន) សម្រួលផ្សាយដោយ៖ ធូ កុសល