កិច្ចប្រជុំលើកទី២លើសេចក្ដីព្រាងអនុក្រឹត្យស្ដីពីការកំណត់ល្បឿនសម្រាប់យានយន្ត ក្រោមអធិបតីភាពឯកឧត្ដម តូច ចាន់កុសល រដ្ឋមន្រ្តីស្តីទីក្រសួងសាធារណការ និងដឹកជញ្ជូន និងជាប្រធានក្រុមការងារសិក្សា និងវិសោធនកម្មច្បាប់ស្ដីពីចរាចរណ៍ផ្លូវគោក ថ្ងៃចន្ទ ១រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែឧសភា ឆ្នាំ២០២២ នៅទីស្តីការក្រសួង ឯកឧត្ដម តូច ចាន់កុសល រដ្ឋមន្រ្តីស្តីទី ក្រសួងសាធារណការ និងដឹកជញ្ជូន និងជាប្រធានក្រុមការងារសិក្សា និងវិសោធនកម្មច្បាប់ស្ដីពីចរាចរណ៍ផ្លូវគោក បានអញ្ជើញដឹកនាំកិច្ចប្រជុំពិនិត្យលើសេចក្ដីព្រាងអនុក្រឹត្យស្ដីពីការកំណត់ល្បឿនសម្រាប់យានយន្ត។ កិច្ចប្រជុំនេះមានគោលបំណងពិនិត្យឆ្លងខ្លឹមសារលម្អិតលើសេចក្តីព្រាងអនុក្រឹត្យស្ដីពីការកំណត់ល្បឿនសម្រាប់យានយន្ត មុននឹងដាក់ជូនប្រមុខរាជរដ្ឋាភិបាលពិនិត្យ និងសម្រេច។ សមាសភាពអញ្ជើញចូលរួមក្នុងកិច្ចប្រជុំនេះរួមមាន៖ ឯកឧត្តម រដ្ឋលេខាធិការ អនុរដ្ឋលេខាធិការ នៃក្រសួងសាធារណការ និងដឹកជញ្ជូន ក្រសួងមហាផ្ទៃ ឯកឧត្តមនាយឧត្តមសេនីយ៍ អគ្គស្នងការរងនៃអគ្គស្នងការដ្ឋាននគរបាលជាតិ ឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក លោក លោកស្រីប្រធាននាយកដ្ឋាន និងតំណាងក្រសួងមហាផ្ទៃ ព្រមទាំងមន្រ្តីពាក់ព័ន្ធផងដែរ៕