ដោយៈ សុផល / ភ្នំពេញ​៖ រាជរដ្ឋាភិបាល​កម្ពុជា និង​ក្រុមហ៊ុន​ចិន កំពុង​ជជែក គ្នា​ពី​ការសិក្សា ពី​លទ្ធភាព ដើម្បី​បង្កើត​ផ្លូវ​នាវាចរណ៍ និង​ប្រព័ន្ធ​ភស្តុភា​កម្ម ទន្លេបាសាក់ ដែល​គម្រោង​នេះ នឹង​ផ្តល់​ផលប្រយោជន៍ ដល់​សេដ្ឋកិច្ចជាតិ និង​ជួយ​ជំរុញឱ្យមាន ការដឹកជញ្ជូន​តាមផ្លូវ​ទឹក កាន់តែ​ល្អប្រសើរ​។​ ​ទាក់ទង​នឹង​គម្រោង​នេះ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង សាធារណការ និង​ដឹកជញ្ជូន បាន​ជួបពិភាក្សា​ការងារ ជាមួយ​គណៈប្រតិភូ ក្រុមហ៊ុន​សាជីវកម្ម ស្ពាន​ថ្នល់​ចិន (CRBC) តំណាងឱ្យ​ក្រុមហ៊ុន CCCC Transportation Consultants Co., Ltd តាមរយៈ​ប្រព័ន្ធ វីដេអូ​ពី​ចម្ងាយ ទាក់ទង​នឹង​ការសិក្សា សមិទ្ធិ​លទ្ធភាព នៃ​គម្រោង​ផ្លូវ​នាវាចរណ៍ និង​ប្រព័ន្ធ ភស្តុភា​កម្ម ទន្លេបាសាក់ ដោយមាន​ការចូលរួម​ពី​ថ្នាក់ ដឹកនាំ​ក្រសួង និង​មន្ត្រី​ជំនាញ​ពាក់ព័ន្ធ នៅ​ថ្ងៃទី​២២ ខែមេសា ឆ្នាំ​២០២២ នៅ​ទីស្តីការក្រសួង​។​ ​នៅក្នុង​ជំនួប​នោះ លោក​ទេសរដ្ឋមន្ត្រី បាន​គូសបញ្ជាក់ថាៈ គម្រោង​នេះ នឹង​ធ្វើឱ្យ​ប្រសើរឡើង ការដឹកជញ្ជូន​តាមផ្លូវ​ទឹក និង​ភស្តុភា​រកម្ម ក៏ដូចជា ធ្វើឱ្យ​ប្រសើរឡើង បណ្តាញ​ផ្លូវទឹក របស់​កម្ពុជា ឱ្យមាន​ការ ត​ភ្ជាប់​ដោយ​រលូន និង​ផ្ដល់​ផលប្រយោជន៍ ដល់​សេដ្ឋកិច្ចជាតិ ជួយ​ជំរុញឱ្យមាន ការដឹកជញ្ជូន តាមផ្លូវ​ទឹក ច្រើនជាង​ការដឹកជញ្ជូន តាមផ្លូវ​គោក​ផងដែរ​។ ​បន្ថែម​ពីលើ​នេះ លោក​ទេសរដ្ឋមន្ត្រី បាន​ជម្រាបជូន​ថាៈ កម្ពុជា​សម្បូរ​ទៅដោយ បណ្ដាញ​ផ្លូវ ទឹកទន្លេ ដែល​រួមមាន ទន្លេមេគង្គ បឹង​ទន្លេសាប ទន្លេបាសាក់ ទន្លេសេកុង ទន្លេសេសាន ទន្លេស្រែពក ក៏ប៉ុន្តែ​កម្ពុជា មិនទាន់បាន​ទាញយក សក្កា​នុព​ល ដ៏​ធំធេង នៃ​ធនធានធម្មជាតិ ទាំងអស់នោះ មកប្រើប្រាស់​ឱ្យបាន ក្នុង​កម្រិត​អតិបរមា នៅឡើយ​នោះទេ​។​ ​ជាមួយគ្នា​នោះដែរ លោក​ទេសរដ្ឋមន្ត្រី បានកត់សម្គាល់​ថាៈ ផ្លូវ​នាវាចរណ៍ និង​ប្រព័ន្ធ​ភស្តុភា កម្មទ ន្លេ​បាសាក់​នេះ នឹងធ្វើ​ឱ្យ​ការដឹកជញ្ជូន​តាមផ្លូវ​ទឹក របស់​កម្ពុជា មានការ​ផ្លាស់ប្ដូរ ជា​វិជ្ជមាន​៕/V​-PC