ភ្នំពេញ៖នៅព្រឹកថ្ងៃទី ៣១ ខែមករា ឆ្នាំ ២០២២ នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជានាចក្រកម្ពុជាអញ្ជើញ បើកការដ្ឋានសាងសង់ស្ពានអាកាសថ្មីមួយទៀតស្ថិតនៅលើបណ្តោយផ្លូវជាតិលេខ៥ ក្នុងរាជធានីភ្នំពេញដើម្បីសម្រួលនិងរំដោះការកកស្ទះចរាចរណ៍ដែលកំពុងមានកំណើ នយ៉ាងឆាប់រហ័ស។ស្ពានអាកាសនេះមានទីតាំងតាមប ណ្ដោយផ្លូវជាតិលេខ៥ត្រង់ចំណុចប្រសព្វស្ពានបេ តុងអារមេខ្សែកាបឫស្សីកែវឆ្លងកាត់ទន្លេ សាបនិងផ្លូវជាតិលេខ៥ ។ ស្ពានអាកាសនេះមានលក្ខណៈបច្ចេកទេស នៃការសាងសង់ដូចតទៅជាស្ពានអាកាសទ្វេរទិសដែលមាន២គន្លងទៅ និង២គន្លង មកមានប្រវែង៤៨៣ម៉ែត្រ ទទឹងតួស្ពានមានទំហំ១៥.៨ម៉ែត បណ្ដោយស្ពានមានប្រវែង ១៤៥ម៉ែត្រ, ផ្លូវតភ្ជាប់ក្បាលស្ពានខាងជើងមានប្រវែ ង១៥៧ម៉ែត្រ,ផ្លូវតភ្ជាប់ក្បាលស្ពានខា ងត្បូងមានប្រវែង ១៨១ ម៉ែត្រ, ល្បឿនសុវត្ថិភាព ៤០គ.ម/ម៉ោង, ទម្ងន់ផ្ទុកអនុញ្ញាត ៣៥តោន, កម្រាលស្ពានអ៊ុតកៅស៊ូ AC កម្រាស់០,១០ម៉ែត្រ មានបំពាក់បង្គោលភ្លើងបំភ្លឺផ្លូវចំនួន ៥០ បង្គោ ល កំពស់ ៨ម៉ែត, ដាក់ស្លាកសញ្ញាចរាចរនិងអ៊ុតគំនូសចរាចរដោយប្រើថ្នាំទែម៉ូប្លាស្ទិក,នៅខាងក្រោមស្ពានមានផ្លូវសងខាង (ផ្លូវជាតិលេខ៥) ដែលជាចំណុចប្រសព្វស្ពានបេតុងអារមេខ្សែ កាបឆ្លងទន្លេសាបឫស្សីកែវនិងមានទទឹ ង៤,៥០ម៉ែត្រទៅ ៧ម៉ែត,រៀបចំបណ្តាញលូអមសងខាងផ្លូវនិងកែសំរួលចិញ្ចើមផ្លូវនិងផ្លូវថ្មើរជើងសង ខាង,មានបំពាក់ភ្លើងសញ្ញាចរាចរចំនួនមួយកន្លែងនៅក្រោមស្ពាន ។ ស្ពានអាកា សនេះគ្រោងចំណាយថវិកាសាងសង់ចំនួន ៩,៧១០,៤៧៤ដុល្លារអាមេរិក។ គម្រោងស្ពានអាកាសនេះសាងសង់ដោយក្រុមហ៊ុន វិនិយោគទុនអនិកជនកម្ពុជា (OCIC) ដោ យប្រើរយៈពេលប្រមាណ១៥ខែ។ បច្ចុប្បន្ននៅក្នុងរាជធានីភ្នំពេញមានស្ពានអាកាសចំនួន៥ដែលបានសាងសង់រួចរាល់និងកំពុងប្រើប្រាស់រួមមាន៖ ស្ពានអាកាសក្បាលថ្នល់ (២៤ មិថុនា ២០១០), ស្ពានអាកាស៧មករា(៦ មករា ២០១២),ស្ពានអាកាសស្ទឹងមានជ័យ(៣១កក្កដា ២០១៤ ),ស្ពានអាកាស៥មករា(៥ មករា ២០១៦), ស្ពានអាកាសមិត្តភាពកម្ពុជា-ចិនសែនសុខ ឬហៅថា «ស្ពានអាកាសផ្សារដីហ៊ុយ»(២ កក្កដា ២០១៨)។ ក្រៅពីនេះស្ពានអាកាសមួយទៀតគឺស្ពានអាកាសរង្វង់មូលចោម ចៅកំពុងដំណើរការសាងសង់។ លោក សាំ ពិសិដ្ឋ ប្រធាន​មន្ទីរ​សាធារណ ការនិង​ដឹកជញ្ជូន​រាជធានី​ភ្នំពេញបានឲ្យដឹងថាគម្រោង​នៃ​ការសាងសង់​ស្ពាន​អា កាស​ថ្មីហោះ​នៅលើ​បណ្ដោយ​ផ្លូវជាតិ​លេខ​៥​នេះគ្រោង​នឹងសាងសង់ដោយ​ប្រើ​រយៈពេល១៥​ខែពោលគឺ​ឲ្យ​ហើយនៅ​ចុងខែ​មេសា​ឆ្នាំ​ ២០២៣ នៅមុន​ពេលកម្ពុជា​ធ្វើជា​ម្ចាស់ផ្ទះ​នៃ​ព្រឹត្តិការណ៍​ប្រកួត​កីឡា SEA GAME ២០២៣ នា ពេលខាងមុខ​ ។ ក្រៅ ពីស្ពានអាកាស​ឬ​ស្សី​កែវនេះរដ្ឋបាល​រាជ ធានី​ភ្នំពេញមាន​​គម្រោងសាង់សង់ ស្ពានអាកាសផ្លូវ ២០០៤ស្ថិតនៅផ្លូវប្រសព្វរវាង មហាវិថីសហព័ន្ធរុស្ស៊ីនិងវិថីសម្តេចចៅហ្វាវាំង គង់ សំអុល (ផ្លូវ ២០០៤) គ្រោងនឹងស្ថាបនាចាប់ពីខែមិនាឆ្នាំ ២០២២ ដោយប្រើប្រាស់រយៈ ពេលនៃការសាងសង់ចំនួនជាង ១៤ខែពោលគឺនឹងស្ថាបនាឱ្យបានរួចរាល់នៅ មុនដែលកម្ពុជានឹងធ្វើជាម្ចាស់ផ្ទះនៃការប្រកួតកីឡាស៊ីហ្គេមឆ្នាំ២០២៣ ។ ស្ពានអាកាសផ្លូវ២០០៤នេះមាន ប្រវែង ៥១៦ម៉ែត្រប្រវែងបណ្តោយតួស្ពាន ២៣៣,៩ម៉ែត្រប្រវែងទទឹងតួស្ពាន ១៥.៨ ម៉ែត្រកំពស់តួស្ពានត្រង់ចំណុចកណ្ដាល ៥.០ទៅ៥.៥ ម៉ែត្រ ​៕