[Raksmey News] - សម្តេចហ៊ុនសែនអញ្ជើញសម្ភោធ“ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ”និង “បើកការដ្ឋានសាងសង់ផ្លូវជាតិលេខ៧១C”
2021-11-23
Go to the website published Raksmey News
ដោយ៖តារារិទ្ធ/ភ្នំពេញ៖ជាមួយការសម្ភោធដាក់ឲ្យប្រើប្រាស់ជាផ្លូវការ“ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ” សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជាក៏អញ្ជើ ញបើកការ“បើកការដ្ឋានសាងសង់ផ្លូវជាតិលេខ៧១C” ដែលចំណាយថវិកាសាងសង់ប្រមាណ ១២៩,៩៨ លានដុល្លារអាមេរិក ផងដែរ។នេះគឺជាតភ្ភ្ជាបសកម្មភាពពាណិជ្ ជកម្មនិងការធ្វើដំណើររបស់បងប្អូនប្រជាពលរដ្ឋដែលរស់នៅខេត្តកំពង់ចាមនិងខេត្តត្បូងឃ្មុំនិងខេត្តជាប់ពាក់ព័ន្ធដូចជាខេត្តកំពង់ធំនិងខេត្តក្រចេះព្រមទាំងសម្រួលដល់ដល់ការដឹកជញ្ជូនពូជដំណាំផលិតផលកសិកម្មនិងកសិឧស្សាហ កម្មឱ្យកាន់តែរហ័សកាត់បន្ថយការចំណាយនិងចំណេញពេលវេលា។
នៅព្រឹកថ្ងៃទី ២៣ ខែ វិច្ឆិកា ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោក វ៉ាង វិនធៀន (H.E Mr.Wang Wentian)ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជានឹងអញ្ជើញជាអធិបតីភាពសម្ភោធដាក់ឱ្យប្រើប្រាស់ជាផ្លូវការ“ស្ពាន មិត្តភាពកម្ពុជា-ចិន ស្ទឹងត្រង់-ក្រូចឆ្មារ” និង “ពិធី បើកការដ្ឋានសាងសង់ផ្លូវជាតិលេខ៧១C” ។
លោក ស៊ុន ចាន់ថុល ទេសរដ្ឋមន្ត្រីរដ្ឋមន្ដ្រីក្រសួងសាធារណការនិងដឹកជញ្ជូនបានថ្លែងឲ្យដឹងថានៅក្នុងសុន្ទរកថាព្រាងទុកថា៖គម្រោងសាងសង់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ចាប់ផ្តើមនៅត្រង់គីឡូម៉ែត្រលេខ ៥៨+២០០ ត្រើយខាងលិចស្ថិតលើផ្លូវខេត្តលេខ ២៧១៤ នៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្ត កំពង់ចាមភ្ជាប់ទៅត្រើយខាងកើតទន្លេមេគង្គនៅចំណុចភូមិក្តុលកណ្តាល ឃុំទ្រា ស្រុកក្រូចឆ្មារ ខេត្តត្បូងឃ្មុំ។តួស្ពានសុទ្ធសាធមានប្រវែង១.១៣១ម៉ែត្រទទឹង១៣,៥ម៉ែត្រ ក្រាលបេតុងកៅស៊ូកម្រាស់ ៥សង់ទីម៉ែត្រ មានផ្លូវរថយន្តចំនួន២គន្លង ផ្លូវម៉ូតូចំនួន ២គន្លងផ្លូវថ្មើរជើងចំនួន២គន្លងសម្រាប់ទៅមក។ ផ្លូវមេសងខាងស្ពានតភ្ជាប់ទៅផ្លូវ ជាតិលេខ៧១C មានប្រវែង ៨.៣២៣ ម៉ែត្រ ។ សរុបរួមទាំងស្ពាននិងផ្លូវតភ្ជាប់មានប្រវែងសរុប ៩.៤៥៤ ម៉ែត្របានបើកការដ្ឋានកាលពីថ្ងៃទី៩ ខែកុម្ភៈ ឆ្នាំ២០១៨ ក្រោម អធិបតីភាពដ៏ខ្ពង់ខ្ពស់បំផុតរបស់ សម្តេចតេជោនាយករដ្ឋមន្ត្រី ដោយត្រូវប្រើប្រាស់រយៈពេលសាងសង់ចំនួន៤២ខែ សាងសង់ដោយក្រុមហ៊ុនសំណង់សៀងហៃ (SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអានចំណាយថវិកាអស់ ៥៦,៩៩៨ លានដុល្លារអាមេរិក។
លោករដ្ឋមន្ត្រី ស៊ុន ចាន់ថុល បានមានប្រសាសន៍ឲ្យដឹងទៀតថា៖ចំពោះគម្រោងសាងសង់ផ្លូវជាតិលេខ៧១C៖មានប្រវែងសរុប១១៤,៦២គ.ម ចាប់ផ្តើម ពីគីឡូម៉ែត្រ លេខ ១៥៤+៧០០ ផ្លូវជាតិលេខ៧ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងបញ្ចប់នៅគីឡូម៉ែត្រលេខ៣០+៤០០ ផ្លូវជាតិលេខ ៧១ ស្ថិតក្នុងឃុំស្វាយទាប ស្រុកចំការ លើខេត្តកំពង់ចាម។គម្រោងសាងសង់នេះរួមមាន៖ ផ្លូវមេ ប្រវែង ៩២,៤៤៦ គ.ម ទទឹងផ្លូវ១១ម៉ែត្រ ក្រាលកៅស៊ូបេតុងAC កម្រាស់ ៧សង់ទីម៉ែត្រមានកន្លែងសម្រាប់បត់ ត្រឡប់២កន្លែង (U-Turn), ផ្លូវតភ្ជាប់ មានប្រវែង ១៥,៨២១ គ.ម ទទឹងផ្លូវ១១ម៉ែត្រ ក្រាលកៅស៊ូបេតុងAC កម្រាស់ ៧សង់ទីម៉ែត្រ, ផ្លូវខ្នែង ចំនួន៩ខ្សែ ប្រវែង ៦,៣៥៣ គ.ម ទទឹងតួផ្លូវ៩ម៉ែត្រក្រាលកៅស៊ូDBST, ស្ពានចំនួន១១កន្លែងប្រវែង ៨៧៥មែត្រនិងដាក់លូគ្រប់ប្រភេទចំនួន២០២ កន្លែងដែលនឹងប្រើប្រាស់រយៈពេលសាងសង់ចំនួន ៤២ខែ សាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សា បច្ចេកទេសក្វាងចូវវ៉ានអានដែលគ្រោងចំណាយថវិកាសាង សង់ប្រមាណ ១២៩,៩៨ លានដុល្លារអាមេរិក។
លោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានបន្តឲ្យដឹងទៀតថា៖រាជរដ្ឋាភិបាលក៏បានគិតគូរអំពីការរួមចំណែកនៅក្នុងដំណើរការត្រៀមស្តារសេដ្ឋ កិច្ចឡើងវិញផងដែរដោយបានអនុញ្ញាតឱ្យមានការបន្តអនុវត្តគម្រោងសាងសង់ហេដ្ឋារចនាសម្ព័ន្ធអាទិភាពសំខាន់ៗមួយចំនួនរួមមាន៖គម្រោងស្ថាបនាហេដ្ឋារចនាសម្ព័ន្ធ ផ្លូវចំនួន៣៨ខ្សែនៅក្រុងសៀមរាប ខេត្តសៀមរាប, ផ្លូវល្បឿនលឿនភ្នំពេញ-ព្រះសីហនុ,ហេដ្ឋារចនាសម្ព័ន្ធផ្លូវ៣៤ខ្សែ នៅខេត្តព្រះសីហនុ, ផ្លូវក្រវាត់ក្រុងទី៣,ផ្លូវជាតិលេខ ២ និង២២, ផ្លូវជាតិលេខ៥, ផ្លូវជាតិលេខ១០, ផ្លូវជាតិលេខ៤៨, ផ្លូវលេខ១៤៦B, រួមទាំងផ្លូវជាតិលេខ៧១C ដែលកំពុងប្រារព្ធពិធីបើកការដ្ឋានសាងសង់នាពេលនេះផង ដែរ។ ទន្ទឹមនឹងនេះគម្រោងសាងសង់ហេដ្ឋារចនាសម្ព័ន្ធផ្លូវនិងស្ពានសំខាន់ៗមួយចំនួនផ្សេងទៀតរួមមាន៖ ស្ពានឆ្លងកាត់ទន្លេមេគង្គខេត្តក្រចេះ, ផ្លូវជាតិលេខ៣១,ផ្លូវជាតិ លេខ៣៣,ផ្លូវជាតិលេខ៤១, និងផ្លូវជាតិលេខ៧(ស្គន់-កំពង់ចាម) បានបញ្ចប់ការចរចាកិច្ចសន្យាឥណទាននិងកំពុងត្រៀមអនុវត្ត,គម្រោងសាងសង់ផ្លូវជាតិតភ្ជាប់ពីខេត្ត បាត់ដំបងទៅខេត្តសៀមរាបនិងផ្លូវជាតិតភ្ជាប់ពីខេត្តកំពង់ឆ្នាំងទៅខេត្តកំពង់ធំ (ផ្លូវជាតិលេខ៥០C) បានបញ្ចប់ការសិក្សាសមិទ្ធិលទ្ធភាពរួចហើយនិងគម្រោងស្ពានឆ្លង កាត់ទន្លេបាសាក់មួយទៀតដែលមានទីតាំងនៅចាក់អង្រែចន្លោះស្ពានព្រះមុនីវង្ស និងស្ពានតាខ្មៅបាននិងកំពុងសិក្សា។
ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារនិងផ្លូវជាតិលេខ៧១C គឺជាគម្រោងយុទ្ធសាស្ត្រប្រទាក់ក្រឡាគ្នាយ៉ាងសំខាន់សម្រាប់តភ្ជាប់ទំនាក់ទំនងសកម្មភាពពាណិជ្ជកម្ម និងការធ្វើដំណើររបស់បងប្អូនប្រជាពលរដ្ឋដែលរស់នៅខេត្តកំពង់ចាមនិងខេត្តត្បូងឃ្មុំនិងខេត្តជាប់ពាក់ព័ន្ធដូចជាខេត្តកំពង់ធំនិងខេត្តក្រចេះព្រមទាំងសម្រួលដល់ដល់ការ ដឹកជញ្ជូនពូជដំណាំផលិតផលកសិកម្មនិងកសិឧស្សាហកម្មឱ្យកាន់តែរហ័សកាត់បន្ថយការចំណាយនិងចំណេញពេលវេលា។ បន្ថែមពីលើនេះគម្រោងនេះក៏បានបង្ហាញនូវ ការតភ្ជាប់ក្តីសង្ឃឹមរបស់ប្រជាពលរដ្ឋដែលរស់នៅកុះករក្នុងតំបន់នេះពិសេសភាពសុខដុមនីយកម្មខាងជំនឿសាសនារវាងអ្នកកាន់សាសនាព្រះពុទ្ធនិងសហគមន៍សាសនិក ឥស្លាមកម្ពុជាឱ្យកាន់តែជិតស្និទ្ធ និងរឹងមាំថែមទៀតតាមរយៈការប្រាស្រ័យនិងទំនាក់ទំនង ពាណិជ្ជកម្មរួមគ្នា ។
សមិទ្ធផលថ្មីនេះគឺជាចំណងដៃដ៏ថ្លៃថ្លាមិនអាចកាត់ថ្លៃបានរបស់រាជរដ្ឋាភិបាលកម្ពុជាជូនដល់បងប្អូនប្រជាពលរដ្ឋខេត្តកំពង់ចាមនិងខេត្តត្បូងឃ្មុំព្រមទាំងបងប្អូនប្រជាពល រដ្ឋទូទាំងប្រទេសដើម្បីប្រើប្រាស់ជាប្រយោជន៍ទូទៅនិងយូរអង្វែង ក្រោមការដឹកនាំប្រកបដោយភាពប៉ិនប្រសប់និងគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលជាអគ្គមគ្គុទេសន៍និងជាប្រតិបត្តិករនយោបាយឈ្នះ-ឈ្នះ ដែលបាននាំយកសន្តិភាពមកជូនជាតិមាតុភូមិកម្ពុជា។
តម្លៃនៃ សន្តិភាព បានផ្តល់ឱកាសឱ្យកម្ពុជាអាចធ្វើការអភិវឌ្ឍប្រទេសរីកចម្រើនលើគ្រប់វិស័យ ជាពិសេស វិស័យហេដ្ឋារចនាសម្ព័ន្ធរូបវន្ត។ ជាក់ស្តែងកម្ពុជាបានសាងសង់ ផ្លូវជាតិ ផ្លូវខេត្ត និងផ្លូវជនបទ ក្រាលកៅស៊ូ និងបេតុងសរុបប្រវែងប្រមាណ ១៥.០០០ គីឡូម៉ែត្រ,ស្ពានធំៗចំនួន២០,លើកកម្រិតព្រលានយន្តហោះឱ្យមានលក្ខណៈស្តង់ ដារអន្តរជាតិចំនួន៣និងកំពុងសាងសង់ព្រលានយន្តហោះស្តង់ដារអន្តរជាតិ ៣ បន្ថែមទៀតនៅខេត្តសៀមរាប ខេត្តកោះកុង និងរាជធានីភ្នំពេញ,លើកកម្រិតកំពង់ផែស្វយ័ត ភ្នំពេញនិងកំពង់ផែស្វយ័តក្រុងព្រះសីហនុឱ្យមានលក្ខណៈស្តង់ដារអន្តរជាតិ,បានស្តារផ្លូវដែកភាគខាងជើងនិងភាគខាងត្បូងឡើងវិញ,និងកំពុងសាងសង់ផ្លូវល្បឿនលឿន តភ្ជាប់ពីរាជធានីភ្នំពេញទៅកាន់កំពង់ផែទឹកជ្រៅក្រុងព្រះសីហនុ,ព្រមទាំងសមិទ្ធផលផ្សេងៗជាច្រើនទៀតពាសពេញផ្ទៃប្រទេស។សមិទ្ធ ផលទាំងអស់នេះកើតឡើងដោយ សារសន្តិភាព ៕
