នៅរសៀលថ្ងៃទី២៥ ខែតុលា ឆ្នាំ២០២១ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និង ដឹក ជញ្ជូន និងជាអនុប្រធានប្រចាំ ការនៃគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែនៅក្នុងក្រុងសៀមរាប ខេត្តសៀមរាប បានដឹកនាំក្រុមការងារបច្ចេកទេសចុះពិនិត្យវឌ្ឍនភាពគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែ នៅក្រុងសៀមរាប អមដំណើរដោយឯកឧត្តម ទៀ សីហា អភិបាលនៃគណៈអភិបាលខេត្ត សៀមរាប ដោយមានការចូល រួមពីសំណាក់ថ្នាក់ ដឹកនាំក្រសួង អាជ្ញាធរដែនដី មន្ត្រីជំនាញបច្ចេកទេសក្រោមឱវាទក្រសួង និងភាគីពាក់ព័ន្ធផងដែរ ។ ការចុះត្រួតពិនិត្យការស្ថាបនាផ្លូវនេះធ្វើឡើង ក្នុងគោលបំណងដើម្បីពិនិត្យគុណភាពបច្ចេកទេសនសការសាងសង់ ថាតើ ស្របតាមលក្ខណៈបច្ចេកទេស បញ្ហាប្រឈមនានា ដើម្បីផ្លូវ មានគុណភាពរឹងមាំ យូរអង្វែង និង បញ្ចប់តាមផែនការគ្រោងទុកដែរឬទេ ។ ឯកឧត្តម ទេសរដ្ឋមន្ត្រី ស៊ុនចាន់ថុល មានប្រសាសន៍ថា៖ការងារសាងសង់នូវហេដ្ឋារចនាសម្ព័ន្ធនេះ បានប្រឈមនឹង ការរាំស្ទះដោយសាវិបត្តិជម្ងឺកូវីដ១៩ ធ្វើអោយកម្មករ ក៏ដូចអ្នកអនុវត្តមានលំបាក់ក្នុងការងារប្រតិបត្តិការ ទន្ទឹមនឹងនេះ ពេលវេលា សម្រាប់ការសាងសង់មានរយៈពេលខ្លីក្រុមការត្រូវពុះពារធ្វើការងារ ទាំងក្នុងរដូវវស្សាភ្លៀងធ្លាក់ មានការលំបាក់ក្នុងការងារសាងសង។ តែទោះជាយ៉ាងនេះក្តី ដោយមានការតាំងចិត្តខ្ពស់ពីក្រុមការងារជំនាញ និងការជំរុញយកចិត្តទុកដាក់ខ្ពស់ ពីថ្នាក់ដឹកនាំ ផ្លូវទាំង ៣៨ខ្សែ កំពុងបន្តការស្ថាបនា ឱ្យសម្រេចតាមផែនការលឿនជាងការ កំណត់ និងសង្ឃឹមថាក្រុងសៀមរាប នឹងត្រូវបានប្តូរមុខមាត់ថ្មី នៅក្នុងចុងឆ្នាំនេះ ជាមួយ ហេដ្ឋារចនាសម្ព័ន្ធដឹកជញ្ជូន ដ៍ល្អប្រណិតសក្តិសមជាទីក្រុងទេសចរាចណ៍វប្បធម៌របស់កម្ពុជា។ ឯកឧត្តមទេសរដ្ឋមន្ត្រី បានមានប្រសាសន៍ណែនាំនិងជម្រុញ ដល់ក្រុមអ្នកជំនាញបច្ចេកទេស និងថ្នាក់ដឹកនាំ ទាំងអស់ឱ្យយកចិត្តទុកដាក់ពិនិត្យឱ្យបានហ្មត់ចត់ត្រឹមត្រូវតាមបច្ចេកទេស ខណៈដែលក្រសួង មានសម្ភារៈ សម្រាប់ ត្រួតពិនិត្យបច្ចេកទេស ទំនើបមួយចំនួន រួចហើយៗក្រសួងក៏បានបញ្ជាទិញ សម្ភារៈត្រួតពិនិត្យ មួយចំនួនទៀត ដើម្បីយកមកប្រើប្រាស់សម្រាប់ធានាថា ផ្លូវទាំង ៣៨ខ្សែត្រូវបានសាងសង់ស្របតាម លក្ខណៈបច្ចេកទេស ពិតប្រាកដមែន យោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូនឲ្យដឹងថា វឌ្ឍនភាព គម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាបនេះ គិតត្រឹមថ្ងៃទី១៥ ខែតុលា ឆ្នាំ២០២១ ឬរយៈពេល ជាង១១ខែមកនេះ សម្រេចបាន៨៣,៨៧% នៃទំហំការងារសរុប។ គម្រោងនេះ គ្រោងនឹងបញ្ចប់ នៅចុងខែធ្នូ ឆ្នាំ២០២១។