ថ្ងៃអង្គារ ០១រោច ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៤ ខែសីហា ឆ្នាំ២០២១ លោក ជា សុជាតិ នាយករងខុទ្ទកាល័យ និងជាតំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន បានអញ្ជើញនាំយកផ្លែតាងែនចំនួន៥តោន ទៅប្រគល់ជូនគ្រូពេទ្យស្ម័គ្រចិត្តយុវជនសម្តេចតេជោ(TYDA) ដើម្បីចែកចាយជូនក្រុមគ្រូពេទ្យ ដែលបានខិតខំប្រឹងប្រែងបំពេញ ការងារក្នុងការព្យាបាលអ្នកជំងឺកូវីដ-១៩ នៅតាមមន្ទីរពេទ្យ និងមណ្ឌលព្យាបាលនានា ក៏ដូចជាដើម្បី ចូលរួមចំណែកជាមួយរាជរដ្ឋាភិបាលក្នុងការដោះស្រាយការលំបាករបស់បងប្អូនប្រជាកសិករ ដែលកំពុង ជួបការលំបាកក្នុងនាំចេញតាងែនទៅក្រៅប្រទេស។ ឆ្លៀតក្នុងឱកាសនោះដែរ លោកនាយករងខុទ្ទកាល័យ បានពាំនាំប្រសាសន៍របស់ឯកឧត្តមទេសរដ្ឋមន្ត្រី ដែលបានផ្តាំផ្ញើសាកសួរសុខទុក្ខ កោតសរសើ និងថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដែលបានខិតខំប្រឹងប្រែងយកចិត្តទុកដាក់ពិនិត្យព្យាបាលអ្នក ជំងឺកូវីដ-១៩ និងសូមជូនពរឱ្យមានសុវត្ថិភាពសុខភាពទាំងអស់គ្នា៕