ថ្ងៃពុធ ៣កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែសីហា ឆ្នាំ២០២១ នៅ ទីស្ដីការក្រសួង ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និង ដឹកជញ្ជូន និងជាប្រធានក្រុមការងារអន្តរក្រសួង បានអញ្ជើញដឹកនាំកិច្ចប្រជុំថ្នាក់ដឹកនាំក្រសួងទទួលបន្ទុក និងមន្ត្រីជំនាញបច្ចេកទេស ដើម្បីបន្តពិនិត្យ ពិភាក្សា កែសម្រួល និងផ្តល់យោបល់ធាតុចូលបន្ថែម នៅក្នុងការរៀបចំសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូ ដើម្បីធ្វើយ៉ាងណាសំដៅឱ្យការរៀបចំច្បាប់នេះមានលក្ខណៈជាតិ និងគ្រប់ជ្រុងជ្រោយសម្រាប់ឧត្ដមប្រយោជន៍ប្រទេសយើង ។ អង្គប្រជុំក៏បានបន្តពិភាក្សាជាលំអិតចំពោះ ខ្លឹមសារក្នុងមាត្រានីមួយៗ និងពាក្យគន្លឹះដែលប្រើប្រាស់នៅក្នុងច្បាប់ស្តីពីទឹកកខ្វក់ និងប្រព័ន្ធលូនេះផងដែរ៕