ភ្នំពេញ៖ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់ នៅថ្ងៃទី២៨ ខែឧសភា ឆ្នាំ២០២១នេះ បានដឹកនាំមន្ត្រីក្រោមឱវាទចុះពិនិត្យវឌ្ឍនភាពការងារស្ថាបនាផ្លូវក្រុងចំនួន ៣៤ខ្សែនៅខេត្តព្រះសីហនុ ដែលជាគម្រោងរបស់រាជរដ្ឋាភិបាលអនុវត្តដោយ គ.អ.ឆ.ក។ លោកឧបនាយករដ្ឋមន្ត្រី ជា សុផារ៉ា បានឲ្យដឹងថា ខ្សែផ្លូវនិងរចនាសម្ព័ន្ធឧបសម្ព័ន្ធសម្រេចស្ទេីរតែទាំងស្រុង។ ស្ថានីយ៍ប្រព្រឹត្តិកម្មទឹកកខ្វក់ទី២ ដែល​ប្រេីបច្ចេកវិទ្យាចុងក្រោយបំផុត​ និងមានសមត្ថភាពប្រព្រឹត្តិកម្មទឹកកខ្វក់​ ៧២០០មែត្រគូបក្នុង​១ថ្ងៃសម្រេចបាន១០០% ស្ថានីយប្រព្រឹត្តិកម្មទឹកកខ្វក់ទី១ ដែលមានសមត្ថភាពប្រព្រឹត្តិកម្មទឹកកខ្វក់​ ៥២០០មែត្រគូបក្នុង១ថ្ងៃ​ សម្រេចបាន៨៤%។ លោកឧបនាយករដ្ឋមន្ត្រីក៏បានបញ្ជាក់ឲ្យដឹងទៀតថា គ.អ.ឆ.ក. ក៏កំពុងពិនិត្យលទ្ធភាព​ស្ថាបនាស្ថានីយប្រព្រឹត្តិកម្មទឹកកខ្វក់ទី៣​ ​មួយទីតាំងទៀត​ ដេីម្បីដោះស្រាយការបង្ហូរទឹកកខ្វក់ទៅក្នុងសមុទ្រ៕