[Khmer Osja] - ទីបំផុតបុរសម្នាក់ឈ្មោះ ប៉ែន លឹម ដែលបានប្រេីប្រាស់ស្លាកលេខមិនត្រឹមត្រូវបំពាក់លេីរថយន្តរបស់ខ្លួន និងបានប្រេីសម្តីមិនសមរម្យ ត្រូវបានសមត្ថកិច្ច កោះហៅចូលខ្លួនមកបំភ្លឺ ដោយបានធ្វេីកិច្ចសន្យា និងសុំទោសជាសាធារណៈ
2021-04-24
Go to the website published Khmer Osja
បុរសម្នាក់ឈ្មោះ ប៉ែន លឹម អាយុ៤៩ឆ្នាំ មុខរបរនៅផ្ទះ រស់នៅសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ដែលបានប្រេីប្រាស់ស្លាកលេខមិនត្រឹមត្រូវបំពាក់លេីរថយន្តរបស់ខ្លួនម៉ាក Highlander ពណ៌ស និងបានប្រេីប្រាស់សម្តីមិនសមរម្យនៅលេីបណ្តាញសង្គមហ្វេសបុក នៅវេលាម៉ោង ៤:០០រសៀលថ្ងៃទី២៤ ខែមេសា ឆ្នាំ២០២១នេះ ត្រូវបានសមត្ថកិច្ចនៃអធិការដ្ឋាននគរបាលខណ្ឌឬស្សីកែវ ធ្វេីការកោះហៅដេីម្បីចូលខ្លួនមកបំភ្លឺចំពោះមុខសមត្ថកិច្ច ។ នេះបើយោងតាមការបង្ហោះចេញពីផេកហ្វេសប៊ុករបស់ស្នងការដ្ឋាននគរបាលរាជធានីភ្នំពេញ នៅមុននេះបន្តិច នាល្ងាចថ្ងៃទី២៤ ខែមេសា ឆ្នាំ២០២១ ។
ប្រភពដដែលខាងលើបានបន្តទៀតថា បុរសម្នាក់នេះក៏បានទទួលស្គាល់នូវកំហុសនេះ និងបានដោះស្លាកលេខមិនត្រឹមត្រូវនេះចេញ ដោយបានធ្វេីកិច្ចសន្យា និងសុំទោសជាសារណ:ចំពោះការពាក់ស្លាកលេខមិនត្រឹមត្រូវនេះ ហេីយក៏បានធ្វេីការថតជាវិដេអូសុំទោសជាសាធារណ: ចំពោះការប្រេីប្រាស់ពាក្យសម្តីមិនសមរម្យនៅលេីបណ្តាញសង្គម ។
ក្នុងនោះដែរ ដោយមូលហេតុសុខភាពលេីសឈាមផង ស្លា ប់មួយចំហៀងខ្លួនផង និងកំពុងលេបថ្នាំសរសៃប្រសាទផង ក្រោយពីបានធ្វេីការណែនាំអប់រំ ធ្វេីកិច្ចសន្យា និងសុំទោសរួចរាល់ហេីយនោះ សមត្ថកិច្ចក៏បានអនុញ្ញាតឲ្យគាត់វិលត្រឡប់ទៅគេហដ្ឋានវិញ។ ដេីម្បីជ្រាបកាន់តែច្បាស់ សូមប្រិយមិត្តទស្សនានូវឃ្លីបវីដេអូខាងក្រោមនេះដូចតទៅ។
