[Phnom Penh Post] - រដ្ឋមន្ត្រីសាធារណការ ជំរុញឱ្យពលរដ្ឋទៅរកសេវាប្តូរបណ្ណបើកបរ និងសេវាផ្សេងៗដោយខ្លួនឯង
2021-02-02
Go to the website published Phnom Penh Post
ភ្នំពេញៈ ក្រសួងសាធារណការ និងដឹកជញ្ជូនជំរុញឱ្យប្រជាពលរដ្ឋទៅរកសេវាប្តូរបណ្ណ និងសេវាផ្សេងៗទៀតដោយផ្ទាល់ ដើម្បីកាត់បន្ថយការចំណាយជាជាងពឹងអ្នកគួកជេ ខណៈដែលក្រសួងខិតខំប្រឹងប្រែងផ្តល់សេវាឱ្យជិតដល់ដៃពលរដ្ឋ។
ការជំរុញនេះធ្វើឡើង ខណៈទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូនបានដឹកនាំអ្នកសារព័ត៌មានជាច្រើនរូប ដើម្បីទស្សនកិច្ច និងបង្ហាញអគារទីស្តីការក្រសួង និងអគារវិទ្យាស្ថាន «តេជោសែន សាធារណការ និងដឹកជញ្ជូន» កាលពីថ្ងៃទី ៣០ ខែមករា។
ថ្លែងថា៖ «សូមអញ្ជើញទៅប្តូរបណ្ណ ពន្យារបណ្ណនៅផ្សារទំនើប អ៊ីអនទី១ អ៊ីអនទី២ ណូរ៉ូម៉លនៅក្រសួងសាធារណការ កុំពឹងគេអ្នករត់ការឱ្យសោះ។ យើងខ្ញុំបម្រើ ប្រជារាស្ត្រដោយឥតគិតថ្លៃ»។
បញ្ជាក់ថា ប្រជាពលរដ្ឋមានបញ្ហាពាក់ព័ន្ធការកាត់ឈ្មោះ បាត់កាតគ្រី បាត់ពែកមី ចង់ពន្យារបណ្ណ ធ្វើបណ្ណឆ្លងប្រទេស ក្រសួងចេញឱ្យដោយក្រសួងមិនចង់ឱ្យប្រជាពលរដ្ឋទៅពឹងពាក់អ្នករត់ការអ្នកគួកជេមកធ្វើបណ្ណទេ។
ជាមួយគ្នានេះដែរ រដ្ឋមន្ត្រីក៏បានក្រើនរំឭកដល់មន្ត្រីក្រសួងសាធារណការត្រូវផ្តល់សេវាដល់ប្រជាពលរដ្ឋដោយយកចិត្តទុកដាក់ និងរហ័ស ហើយក្នុងករណីដែលមន្ត្រីផ្តល់សេវាណាមួយ ប្រើកាយវិការឆ្គាំឆ្គង ឬទារកម្រៃសេវាលើសពលរដ្ឋអាចទូរស័ព្ទរាយការណ៍ពីករណីមិនប្រក្រតីនេះភ្លាមៗតែម្តង។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា សន ជ័យ បានថ្លែងថា ការជំរុញនេះជារឿងល្អមួយ ប៉ុន្តែដើម្បីឱ្យការអនុវត្តមានប្រសិទ្ធភាព ក៏ដូចជាយន្តការដោះស្រាយបញ្ហានេះ ក្រសួងត្រូវលុបបំបាត់អ្នករត់ការ (អ្នកគួកជេ) នៅតាមការិយាល័យផ្តល់សេវា ដោយដាក់ជំនួសមកវិញនូវមន្ត្រីជំនាញនៅទីនោះដើម្បីផ្តល់ព័ត៌មានដល់ពលរដ្ឋដែលទៅរកសេវាផ្សេងៗ។
ថា៖ «ត្រូវមានមន្ត្រីផ្តល់ព័ត៌មាន ឬជួយពលរដ្ឋក្នុងការបំពេញឯកសារមួយចំនួន ពីព្រោះប្រសិនបើពលរដ្ឋទៅរកសេវាហើយអត់មានអ្នកផ្តល់ព័ត៌មានលម្អិតជូនគាត់ ហើយគាត់ខ្វះព័ត៌មានមួយចំនួនអ៊ីចឹងគាត់នៅតែពឹងគេពឹងឯងនៅក្បែរនោះហើយបើសិនមានអ្នករត់ការនៅក្បែរនោះ វាជាការទាក់ទាញក្នុងការពឹងអ្នកគួកជេ ដូច្នេះត្រូវតែបិទច្រកអ្នករត់ការ តែជំនួសមកវិញនូវអ្នកជំនាញពិតប្រាកដ»។
អគារទីស្តីការក្រសួង និងអគារវិទ្យាស្ថាន «តេជោសែន សាធារណការ និងដឹកជញ្ជូន» ក៏បានបង្កើតឱ្យមានមជ្ឈមណ្ឌលផ្តល់សេវាសាធារណៈទំនើបផងដែរ រួមមាន សេវាយានយន្តត្រួតពិនិត្យលក្ខណៈបច្ចេកទេសយានយន្ត ធ្វើបណ្ណ ការស្នើសុំអាជ្ញាប័ណ្ណដឹកជញ្ជូនទឹក សមុទ្រ និង និងការសុំអាជ្ញាប័ណ្ណធ្វើអាជីវកម្មដឹកជញ្ជូនក្នុងប្រទេសតាមគោកជាដើម។
ចាត់ទុកការផ្តល់សេវាលឿនរហ័ស និងមានតម្លាភាពជូនប្រជាពលរដ្ឋ គឺជាគោលបំណងដ៏ធំទៅតាមអនុសាសន៍ណែនាំរបស់នាយករដ្ឋមន្ត្រី ហ៊ុន សែន ដើម្បីផ្តល់ទំនុកចិត្ត ក៏ដូចជាភាពជឿជាក់របស់ប្រជាពលរដ្ឋលើមន្ត្រីរាជរដ្ឋាភិបាល៕
