ក្រោយពីវត្តមាន គម្រោងផ្លូវក្រវាត់ក្រុងទី៣ ដែលជាគម្រោងមួយដ៏ធំ ដែលកំពុងមានសកម្មភាពយ៉ាងខ្លាំង ហើយតម្លៃអចលនទ្រព្យនៅផ្លូវក្រវ៉ាត់ក្រុងទី៣និងកាន់តែប្រសើរឡើងជាងមុន ខណៈរោងចក្រ សហគ្រាស កាន់តែច្រើនដែលធ្វើអាជីវកម្មទៅទីនោះ ដែលពិសេសនោះគឺតំបន់សំខាន់ៗដែលផ្លូវក្រវ៉ាត់ក្រុងទី៣ឆ្លងកាត់ជាតំបន់ដែលម្ចាស់អាជីវកម្មទាំងអស់នោះគួរតែងាកទៅរក ដែលផ្លូវនេះ នឹងត្រូវ​ឆ្លង​កាត់​ផ្លូវ​ជាតិលេខ៣​ ផ្លូវ​ជាតិ​លេខ​​២ និង​ផ្លូវ​ជាតិ​លេខ​២១ ព្រមទាំង​មាន​ផ្លូវ​ខ្នែង​ប្រវែង​ ៥,៣៧គីឡូម៉ែត្រ​ផងដែរ។ ដើម្បី ពង្រីកវិសាលភាពសេដ្ឋកិច្ចកាន់តែ ធំទូលាយទៅ ដល់បណ្ដាតំបន់ជាយក្រុងនានា។ ហើយនាពេលបច្ចុប្បន្ននេះ ក៏បាននឹងកំពុងតែ សាងសង់គម្រោងផ្លូវក្រវ៉ាត់ក្រុងទី៤មួយទៀត ដែលមានប្រវែង ១៩៥ គីឡូម៉ែត្រ។ ក្នុងនោះដែរ ផ្លូវខ្សែក្រវាត់ក្រុងទី៤ ក្រសួងបានស្នើឱ្យក្រុមហ៊ុនសាជីវកម្មស្ពានថ្នល់ចិនសិក្សាតាំងពីឆ្នាំ២០១៨ ពេលនេះក្រុមហ៊ុនបានសិក្សាចប់សព្វគ្រប់នៅឆ្នាំ២០២០ ផ្លូវក្រវាត់ក្រុងទី៤នេះមានប្រវែង១៩៥ គីឡូម៉ែត្រ ឆ្លងកាត់ខេត្តចំនួន៤ គឺខេត្តកំពង់ស្ពី តាកែវ កណ្តាល និងខេត្តព្រៃវែង ដោយកាត់ខេត្តកំពង់ស្ពីចំនួន៣ស្រុក ខេត្តតាកែវចំនួន១ស្រុក ខេត្តកណ្តាល៨ស្រុក និងខេត្តព្រៃវែង២ស្រុក។ ការជ្រើសរើសផ្លូវក្រវាត់ក្រុងទី៤ មានយន្តការការគ្រប់គ្រង និងការទប់ស្កាត់ការទន្ទ្រានដីចំណីផ្លូវ និងតម្រូវការហេដ្ឋានរចនាសម្ព័ន្ធ នៃប្រព័ន្ធចម្រោះទឹកកខ្វក់ ដោយមានការពិគ្រោះយោបល់ ជាមួយបណ្តាក្រសួងពាក់ព័ន្ធ រដ្ឋបាលថ្នាក់ក្រោមជាតិ និងដៃគូអភិវឌ្ឍន៍អំពីផលប៉ះពាល់លើ​អនុវត្តគម្រោងនេះ និងដើម្បីប្រមូលធាតុចូលបន្ថែមឱ្យគ្រប់ជ្រុងជ្រោយ សម្រាប់ការអនុវត្តគម្រោងផ្លូវក្រវាត់ក្រុងទី៤នេះមានភាពរលូន និងប្រសិទ្ធភាពខ្ពស់។ ចំណុចដែលសំខាន់ ផ្លូវក្រវាត់ក្រុងទី៤ជាផ្លូវមួយ ក្នុងចូលរួមចំណែកកាត់បន្ថយការកក់ស្ទះចរាចរណ៍ និងជួយសម្រួលដល់ការដឹកជញ្ជូនទំនិញរបស់បងប្អូនប្រជាពលរដ្ឋ ទៅកាន់ផ្លូវជាតិផ្សេងៗ និងទៅកាន់ព្រំដែនប្រទេសវៀតណាម និងប្រទេសថៃ បានកាន់តែលឿន ចំណេញពេលវេលា កាត់បន្ថយការចំណាយបានមួយកំរិតទៀត។ ដូច្នេះ ផ្លូវក្រវាត់ក្រុង ជាគម្រោងថ្មីស្រឡាង រៀបនឹងប្រសូត្រឡើងនេះ ត្រូវបានគេរំពឹងទុកថា នឹងកែប្រែតំបន់នៅជុំវិញនោះ ក៏ដូចជាលើកសម្រស់ហេដ្ឋារចនាសម្ព័ន្ធស្រុកខ្មែរ ជាពិសេសជួយសម្រួលដល់ប្រជាជនផ្ទាល់ឱ្យកាន់តែច្រើន៕