(កំពង់ឆ្នាំង) ៖ ការថ្លែងបែបនេះនៅក្នុងពិធីរៀបចំក្រុងពលីបើកការដ្ឋានជួសជុលផ្លូវចូលទៅកាន់ទឹកធ្លាក់ស្រែអំពិល នៅព្រឹកថ្ងៃទី២១ ខែវិច្ឆិកា ឆ្នាំ២០២០ ម្សិលមិញដោយបានប្រព្រឹត្តទៅក្រោមអធិបតីភាព លោក ឈួរ ច័ន្ទឌឿន អភិបាលខេត្តកំពង់ឆ្នាំង និង លោកស្រី ព្រមទាំងមានការចូលរួមពីសំណាក់សមាជិកក្រុមប្រឹក្សាខេត្ត លោក លោកស្រីជាថ្នាក់ដឹកនាំមន្ទីរអង្គភាពជុំវិញវិញខេត្តផងដែរ ។ លោក ឈួរ ច័ន្ទឌឿន អភិបាលខេត្តកំពង់ឆ្នាំង បានមានប្រសាសន៍បញ្ជាក់ឲ្យដឹងថា ដើម្បីបង្ករលក្ខណៈងាយស្រួលដល់ភ្ញៀវទេសចរណ៍ធ្វើដំណើរចូលទៅលេងកំសាន្តនៅក្នុងរមណីយដ្ឋានទឹកធ្លាក់ស្រែអំពិលដែល អាជ្ញាធរខេត្តកំពង់ឆ្នាំង បានទទួលគម្រោងបន្ទាន់មួយរបស់មន្ទីរសាធារណៈការនិងដឹកជញ្ជូនខេត្ត ដើម្បីជួសជុលកែលម្អផ្លូវមួយខ្សែដែលមានប្រវែងដែលមានប្រវែងប្រមាណជាង១២គីឡូម៉ែត្រ ចាប់ពីចំណុចមណ្ឌលសុខភាពក្តុលឆ្ពោះទៅកាន់រមណីដ្ឋានទេសចរណ៍ធម្មជាតិទឹកធ្លាក់ស្រែអំពិល ដែលស្ថិតនៅក្នុងភូមិក្តុលឃុំក្តុលសែនជយ័ស្រុកទឹកផុសខេត្តកំពង់ឆ្នាំង ។ អភិបាលខេត្តកំពង់ឆ្នាំង បានបញ្ជាក់ទៀតថា កន្លងមក ផ្លូវមួយខ្សែនេះជួបការលំបាកជាខ្លាំងប្រជាពលរដ្ឋមិនអាចធ្វើដំណើរទៅមកលេងកំសាន្តបានស្រួលនោះឡើយ គឺផ្លូវតួច ជង្ហុកច្រើន និង កន្លែងខ្លះទឹកហូរកាត់ផ្តាច់ផ្លូវជាអន្លើៗមិនអាចធ្វើដំណើរទៅបាននោះទេ ហើយបើទោះបីជាអ្នកទេសចរណ៍ចង់ទៅលេងក៍ពិបាកនិងទៅមកផងដែរ ។ ផ្លូវមួយខ្សែនេះក្រោយពីជួសជុលកែលម្អរួចរួចនឹងអាចទាក់ទាញបានកាន់តែច្រើនដល់ភ្ញៀវទេសចរណ៍មកលេងកំសាន្ត ផងដែរនៅតំបន់ទេសចរណ៍ដ៍ស្រស់ស្អាតមួយនេះ ។ អភិបាលខេត្តកំពង់ឆ្នាំង បានមានប្រសាសន៍បន្តទៀតថា រមណីយដា្ឋនទេសចរណ៍ធម្មជាតិទឹកធ្លាក់ស្រែអំពិល ជាតំបន់ទេសចរណ៍ធម្មជាតិ ដែលមានភាពទាក់ទាញបំផុត ដែលអ្នកទេសចរណ៍ជាច្រើនមកពីគ្រប់ទិសទីបានមកលេងកំសាន្ត ទោះបីផ្លូវទៅកាន់តំបន់នេះនៅពុំទាន់មានភាពងាយស្រួលយ៉ាងណាក៍ដោយ ។ ប្រធានមន្ទីសាធារណការនិងដឹកជញ្ជូនខេត្តកំពង់ឆ្នាំងលោក ឆាយលាភា បាននិយាយឲ្យដឹងនៅក្នុងពិធីបើកការដ្ឋានជួសជុលផ្លូវចូលទៅក្នុងរមណីយដ្ឋានទឹកធ្លាក់ស្រែអំពិលនេះថាផ្លូវមួយខ្សែនេះកំពុងត្រូវបានធ្វើការជួសជុលកែលំអរឡើងវិញថ្មល្អិតចាក់ក្រាលពីលើកិនបង្ហាប់ដោយធ្វើយ៉ាងណាឱ្យបានហាក់ល្អនិងសំរួលដល់ការធ្វើដំណើររបស់ភ្ញៀវទេសចរចូលទៅលេងតំបន់រមណីយដ្ឋានទឹកធ្លាក់ធម្មជាតិស្រែអំពិលបានស្រួលនិងនិងចំណាយពេលរហ័សជាងមុន ។ ប្រធានមន្ទីរសាធារណការនិងដឹកជញ្ជូនខេត្តកំពង់ឆ្នាំងបានបញ្ជាក់ទៀតថាការជួសជុលកែលម្អផ្លូវចូលទៅកាន់រមណីយដ្ឋានទឹកធ្លាក់ស្រែអំពិលនេះស្ថាបនាដោយមន្ទីរសាធារណការនិងដឹកជញ្ជូនខេត្តកំពង់ឆ្នាំងក្រោមគម្រោងសង្គ្រោះបន្ទាន់ផ្លូវជុំវិញបឹងទន្លេសាប។ ដោយធ្វើយ៉ាងណាបង្កើនភាពទាក់ទាញភ្ញៀវទេសចរណ៍ ឲ្យចូលមកលេងកាន់តែច្រើន អាជ្ញាធរមូលដ្ឋាន សហគមទេសចរណ៍ ត្រូវតែរៀបចំឲ្យមានការអភិវឌ្ឍន៍ឡើងបន្ថែមទៀតផងដែរ ។ ជាមួយនេះក៏ត្រូវគិតគូចំពោះការផ្តល់សេវាកម្មទេសចរណ៍ និង ការពារសន្តិសុខសណ្តាបើធ្នាប់ សុវត្ថិភាពជូនភ្ញៀវឲ្យបានកាន់តែល្អប្រសើរឡើងផងដែរ ៕