បច្ចុប្បន្ន រាជរដ្ឋាភិបាលកម្ពុជាបានកំពុងយកចិត្ដទុកដាក់យ៉ាងខ្លាំងនៅក្នុងការអភិវឌ្ឍប្រព័ន្ធហេឋារចនាសម្ព័ន្ធ ជាមពិសេសលើវិស័យដឹកជញ្ជូនទាំងផ្លូវថ្នល់ ផ្លូវដែក និងផ្លូវអាកាស។ ដោយក្នុងនោះមានការសន្ថាបនាផ្លូវល្បឿនលឿន ផ្លូវហាយវ៉េធំ ផ្លូវដែក ព្រលានយន្ដហោះជាតិ-អន្ដរជាតិ និងស្ពានសំខាន់ៗជាច្រើនទៀតផងដែរ ដើម្បីធ្វើយ៉ាងណាឲ្យការដឹកជញ្ជូន និងធ្វើដំណើរមានភាពងាយស្រួល ចំណេញពេលវេលា និងកត្ដាសំខាន់ផ្សេងទៀតនោះគឺទាក់ទាញវិនិយោគគិន ក៏ដូចជាភ្ញៀវទេសចរមកកាន់ប្រទេសកម្ពុជាផងដែរ។ យ៉ាងណាមិញកាលពីពេលថ្មីៗនេះ រាជរដ្ឋាភិបាលកម្ពុជាបានបង្ហើបពីកាគ្រោងស្ថាបនាផ្លូវដែកថ្មីភ្ជាប់ពីភ្នំពេញទៅទីក្រុងហូជីមិញផងដែរ។ បើតាមការដកស្រង់របស់ក្រសួងព័ត៌មានកាលពីថ្ងៃទី០១ ខែតុលា ម្សិលមិញនេះ ឯកឧត្តមទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា រាជរដ្ឋាភិបាលកម្ពុជាកំពុងពិនិត្យលើគម្រោងសាងសង់ផ្លូវដែកថ្មីដែលភ្ជាប់ពីរាជធានីភ្នំពេញទៅទីក្រុងហូជីមិញ ប្រទេសវៀតណាម ដើម្បីបង្កើនការដឹកជញ្ជូនឱ្យកាន់តែមានភាពងាយស្រួល លឿន ដែលលើកស្ទួយដល់កំណើនសេដ្ឋកិច្ច។ ឯកឧត្តមទេស រដ្ឋមន្ដ្រី ស៊ុន ចាន់ថុល បានបញ្ជាក់ថា ការតភ្ជាប់ផ្លូវដែករវាងកម្ពុជានិងវៀតណាមនេះ នឹងជំរុញដល់ការធ្វើពាណិជ្ជកម្ម អភិវឌ្ឍសេដ្ឋកិច្ចរវាងប្រទេសទាំងពីរ។ ឯកឧត្តម មានប្រសាសន៍ថា ការដឹកជញ្ជូនតាមផ្លូវដែក ពិតជាមានសារសំខាន់ គឺជួយកាត់បន្ថយការខូចខាតផ្លូវថ្នល់ផង និងអាចដឹកទំនិញបានច្រើនផង។ ជាមួយគ្នានេះដែរក៏ជួយសម្រួលដល់ការធ្វើដំណើររបស់ប្រជាពលរដ្ឋ និងនិស្សិតរវាងប្រទេសទាំងពីរផងដែរ។ សូមជម្រាបថា ប្រទេស​កម្ពុជា​មាន​ផ្លូវ​ដែក​ប្រវែង​ជាង ៦០០ គីឡូម៉ែត្រ ត​ភ្ជាប់​ពី​ព្រំដែន​ថៃ ទៅ​កាន់​តំបន់​មាត់​សមុទ្រ​នៅ​ភាគ​ខាង​ត្បូង​ប្រទេស ដែលមានផ្លូវសំខាន់ពីរខ្សែគឺ ចេញពីភ្នំពេញទៅអូជ្រៅប្រវែង ៣៨៥គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិសាត់ និងបាត់ដំបង ។ ខ្សែទី២ មានគោលដៅចេញពីភ្នំពេញទៅក្រុងព្រះសីហនុប្រវែង២៦៦ គីឡូវម៉ែត្រ ឆ្លងកាត់ ខេត្ត កណ្តាល​ កំពង់ស្តឺ៕