[Angrut] - ផ្លូវជាតិលេខ៨A ទើបធ្វើថ្មី ប៉ុន្ដែមានសភាពទ្រុឌទ្រោមជាងផ្លូវចាស់ពីមុន
2018-01-16
Go to the website published Angrut
ភ្នំពេញ ៖ លោក ស ខេង រដ្ឋមន្ត្រីក្រសួងមហាផ្ទៃមានប្រសាសន៍ថា ផ្លូវជាតិលេខ៨A ដែលចាប់ពីគល់ស្ពានព្រែកតាមាក់ ក្នុងភូមិស្វាយអាត់លើ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ទៅខេត្តព្រៃវែង បានជុសជុលជាបន្ដបន្ទាប់ ប៉ុន្ដែមិនធានាគុណភាពទេ ។
ក្នុងពិធីបិទសន្និបាតបូកសរុបលទ្ធផលការងារ ប្រចាំឆ្នាំ២០១៧ និងលើកទិសដៅផែនការសកម្មភាពឆ្នាំ២០១៨ របស់ក្រសួងសាធារណការ នៅថ្ងៃទី១៦ ខែមករា ឆ្នាំ២០១៨ លោកឧបនាយករដ្ឋមន្ត្រី ស ខេង បានស្នើឲ្យអ្នកពាក់ព័ន្ធ ត្រូវយកចិត្តទុកដាក់ និងត្រួតពិនិត្យឲ្យបានត្រឹមត្រូវ ចំពោះបញ្ហាផ្លូវ និងស្ពាន ធ្វើយ៉ាងណាឲ្យមានគុណភាព ដើម្បីធានាជូនពលរដ្ឋ ក្នុងពេលធ្វើដំណើរ ពោលគឺតម្រូវឲ្យអ្នកពាក់ព័ន្ធ ចុះត្រួតពិនិត្យឡើងវិញ ដើម្បីទទួលបានការគាំទ្រ ពីប្រជាពលរដ្ឋ ។
លោករដ្ឋមន្ដ្រីក្រសួងមហាផ្ទៃ បញ្ជាក់ថា «ផ្លូវជាតិលេខ៨A ដែលតភ្ជាប់ពីផ្លូវជាតិលេខ៦A ទៅភ្ជាប់ផ្លូវជាតិលេខ៧ ដែលជាផ្លូវមួយទើបធ្វើថ្មី ប៉ុន្ដែមកដល់ពេលនេះ មានសភាពទ្រុឌទ្រោមជាងផ្លូវចាស់ពីមុន ហើយមិនសូវបានជុសជុល ផ្លូវលេខ៨A នេះបានជុសជុលជាបន្តបន្ទាប់ ប៉ុន្ដែមិនធានាគុណភាព» ៕
