[Angkor Post] - ផ្លូវល្បឿនលឿនតម្លៃ ១៩០០លានដុល្លារ ទៅកំពង់សោមត្រឹម ២ម៉ោង សង់ឆ្នាំនេះហើយ
2018-01-11
Go to the website published Angkor Post
នៅព្រឹកថ្ងៃទី១១ ខែមករានេះ ក្រសួងសាធារណការ និងក្រុមហ៊ុនចិន បានកិច្ចព្រមព្រៀងសង់ផ្លូវល្បឿនលឿនដំបូងបង្អស់របស់កម្ពុជា ពីភ្នំពេញទៅខេត្តព្រះសីហនុ ដែលអាចសម្រួលដល់បងប្អូនអ្នកធ្វើដំណើរចំណាយពេលត្រឹម ២ម៉ោងប៉ុណ្ណោះ។
កិច្ចព្រមព្រៀងនេះ បានធ្វើឡើងក្នុងឱកាសដំណើរទស្សនកិច្ចរបស់លោក លី ខឺឈាង នាយករដ្ឋមន្ត្រីចិននៅកម្ពុជា។ តាមគម្រោង ផ្លូវល្បឿនលឿនមួយខ្សែនេះ នឹងចាប់ផ្ដើមសាងសង់នៅថ្ងៃដើមឆ្នាំ២០១៨ ដែលអាចចំណាយថវិកាប្រហែល ១៩០០លានដុល្លារ ដែលជាជំនួយរបស់ប្រទេសចិន។
ការសាងសង់នេះ នឹងកាត់បន្ថយចម្ងាយផ្លូវពីភ្នំពេញ ទៅខេត្តព្រះសីហនុត្រឹម ១៩០គីឡូម៉ែត្រ ដែលផ្លូវជាតិធម្មតាមានប្រវែង ២៣១គីឡូម៉ែត្រ។ ផ្លូវនេះ សម្រាប់តែរថយន្តដែលបើកបរលឿនប៉ុណ្ណោះ ហើយធ្វើរបងបិទជិត មិនឲ្យមានគោ ក្របី សត្វព្រៃឆ្លងកាត់ឡើយ ដើម្បីរក្សាសុវត្ថិភាព៕
