[Raksmey News] - នាវាទេសចរណ៍បរបរទេសផ្ទុកអ្នកដំណើរ២.១០១នាក់ចូលចតនៅកំពង់ផែក្រុងព្រះសីហនុ
2020-02-17
Go to the website published Raksmey News
ដោយៈសុផល/ភ្នំពេញ៖នាវាទេសចរណ៍COSTAFORTUNAផ្ទុកអ្នកដំណើរ២១០១នាក់ចូលចតនៅកំពង់ផែស្វយ័តក្រុងព្រះធ្វើតាមទម្លាប់ធម្មតានិងមានការអនុញ្ញាតជាផ្លូវការអនុលោមតាមលិខិតអនុញ្ញាតចេញចូល។កាលពីថ្ងៃទី១៦ខែកុម្ភៈឆ្នាំ២០២០នាវាCOSTAFORTUNAរបស់អ៊ីតាលីមួយគ្រឿងផ្ទុកអ្នកដំណើរ២១០១នាក់មានលេខសម្គាល់៩២៣៩៧៨៣បានចូលចតនៅកំពង់ផែស្វយ័តក្រុងព្រះសីហនុ។នេះបើតាមប្រភពក្រសួងសាធារណការនិងដឹកជញ្ជូន។
មន្ត្រីក្រសួងសាធារណការនិងដឹកជញ្ជូនបានបញ្ជាក់ថា៖ដើម្បីធានាបញ្ចៀសនូវការភាន់ច្រឡំដោយប្រការណាមួយអំពីការចុះផ្សាយនិងមតិសាធារណជនក្រសួងសាធារណការនិងដឹកជញ្ជូនបានជម្រាបជូនថា៖ការចូលចតនាវានេះត្រូវបានធ្វើតាមទម្លាប់ធម្មតានិងមានការអនុញ្ញាតជាផ្លូវការពីក្រសួងសាធារណការ និងដឹកជញ្ជូន តាមរយៈលិខិតលេខ. ២២៤ សក.ដជទ ចុះថ្ងៃទី៣០ ខែមករា ឆ្នាំ២០២០។
ក្នុងចំណោមអ្នកដំណើរសរុបមានចំនួន១.១០៩នាក់ បានចុះនៅកំពុងផែស្វយ័តក្រុងព្រះសីហនុ ក្នុងគោលបំណងដើរទេសចរណ៍ក្នុងបំបន់ឆ្នេរកម្ពុជានិងក្នុងគោលបំណងផ្សេងៗ។មុនពេលចាកចេញពីនាវាក្រុមការងាររបស់ក្រសួងសុខាភិបាលកម្ពុជាបានធ្វើការពិនិត្យសុខភាពនិងវាស់កម្តៅបានយ៉ាងហ្មត់ចត់ត្រឹមត្រូវ ដើម្បីធានាសុវត្ថិភាពពីការចម្លងជម្ងឺកូរ៉ូណាថ្មី COVID-19 មកកាន់មនុស្សក្នុងតំបន់។ នាល្ងាចថ្ងៃទី១៦ កុម្ភៈនេះ អ្នកដំណើរនឹងឡើងលើនាវាវិញ ជាមួយនឹងការពិនិត្យសុខភាពជាថ្មី មុននឹងចេញដំណើរទៅប្រទេសគោលដៅបន្ទាប់ តាមកាលវិភាគដូចបានជូនភ្ជាប់។
សូមជម្រាបជូនថានៅក្នុងកាលវិភាគធ្វើដំណើរនាវានេះបានចេញដំណើរមកពីប្រទេសសឹង្ហបុរីហើយបានចូលមកកម្ពុជាកាលពីថ្ងៃទី២ កុម្ភៈ រួចបន្តដំណើរទៅប្រទេសមួយចំនួនរួមមានសឹង្ហបុរី ម៉ាឡេស៊ី និង ថៃ។ ថ្មីៗនេះនាវាCOSTAFORTUNAបានចាកចេញពីកំពង់ផែឡាំចាបាំងប្រទេសថៃមកកម្ពុជាវិញ នាម៉ោង៩ព្រឹកថ្ងៃទី១៦ខែកុម្ភៈមុនពេលចេញដំណើរនៅម៉ោង៦ល្ងាចនាថ្ងៃដដែលនេះដើម្បីឆ្ពោះទៅកាន់ប្រទេសសឹង្ហបុរី និងម៉ាឡេស៊ីវិញ៕S/
