សេចក្តីក្រើនរំលឹកអំពីការត្រួតពិនិត្យបច្ចេកទេសយានយន្តនៃការរៀបចំផ្ទុកទំនិញឱ្យបានត្រឹមត្រូវ ដើម្បីធានាបាននូវសុវត្ថិភាពរបស់អតិថិជនដែលធ្វើដំណើរតាមបណ្តោយផ្លូវល្បឿនលឿន សូមសាធារណជនទាំងអស់មេត្តាពិនិត្យមើលការរៀបចំផ្ទុកទំនិញឱ្យសមស្របតាមច្បាប់ចរាចរណ៍ផ្លូវគោក ដូចមាត្រា ៥៦ បានចែងថា៖ ១.គ្រប់ករណីនៃការផ្ទុកវត្ថុផ្សេងៗដែលមានបណ្តោយវែង វត្ថុនោះមិនត្រូវឱ្យលូតហួសពីគែមខាងមុខនៃយាន និងមិនត្រូវឱ្យហួសពីគែមខាងក្រោយនៃយានប្រវែង ៣ ម៉ែត្រឬធ្លាក់អូសដីឡើយ។ ២. ទទឹងវត្ថុមិនត្រូវឱ្យហួសពីគែមទទឹងយាន ហើយកម្ពស់មិនត្រូវឱ្យហួសលើសពីដំបូលយានឡើយ ។ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ សូមអំពាវនាវដល់សាធារណជនទាំងអស់ សូមរៀបចំផ្ទុកទំនិញឱ្យបានត្រឹមត្រូវ ចំពោះវត្ថុដែលមានទំហំតូច សូមធ្វើការគ្រប និងចងឱ្យបានជាប់ល្អ រីឯវត្ថុដែលមានទំហំធំល្មើសនឹងច្បាប់ចរាចរណ៍ផ្លូវគោក ក្រុមហ៊ុនផ្លូវល្បឿនលឿនលឿនភ្នំពេញ-ក្រុងព្រះសីហនុសូមធ្វើការបដិសេធមិនអនុញ្ញាតឱ្យយានយន្តនោះឆ្លងកាត់ ឡើយ។ សូមសាធារណជនទាំងអស់អនុវត្តឱ្យបានត្រឹមត្រូវតាមលក្ខខណ្ឌក្នុងការប្រើប្រាស់ផ្លូវល្បឿនលឿន គោរពតាមច្បាប់ចរាចរណ៍ផ្លូវគោក ពិនិត្យមើលផ្លាកសញ្ញាចរាចរណ៍ ដែលមាននៅតាមដងផ្លូវ កុំបើកបរហួសល្បឿនកំណត់ និងកុំបើកបញ្រ្ចាសទិសចរាចរណ៍ ជាពិសេសត្រួតពិនិត្យយានយន្តឱ្យបានគ្រប់ជ្រុងជ្រោយ មុនពេលចេញដំណើរ៕ ::ទំនាក់ទំនង៖ ⁃ ព័ត៌មានពីសេវាកម្ម និងជំនួយសង្រ្គោះបន្ទាន់៖ 1399 / 092 33 1399/ 098 33 1399 ⁃ ព័ត៌មានទូទៅ៖ 1275