ឯកឧត្តម កែន រដ្ឋា អនុប្រធានក្រុមការងារគណបក្សចុះមូលដ្ឋានស្រុកកោះធំ និងជាប្រធានក្រុមការងារគណបក្សចុះមូលដ្ឋានឃុំកោះធំ "ក" និងក្រុមការងារគណៈពង្រឹងមូលដ្ឋានឃុំកោះធំ-ក បានអញ្ជើញចូលរួមនាំយកទេយ្យវត្ថុ ប្រគេនព្រះសង្ឃគង់ចាំព្រះវស្សា និងចូលរួមកាន់វេនបិណ្ឌទី១២ នៅវត្តកោះធំ ក្នុងឃុំកោះធំ-ក ស្រុកកោះធំ ស្រុកកោះធំ ៖ នៅថ្ងៃទី១៩ ខែកញ្ញា ឆ្នាំ២០២៥ ឯកឧត្តម កែន រដ្ឋា អនុប្រធានក្រុមការងារគណបក្សចុះមូលដ្ឋានស្រុកកោះធំ និងជាប្រធានក្រុមការងារគណបក្សចុះមូលដ្ឋានឃុំកោះធំ "ក" និងក្រុមការងារគណៈពង្រឹងមូលដ្ឋានឃុំកោះធំ-ក បានអញ្ជើញចូលរួមនាំយកទេយ្យវត្ថុ ប្រគេនព្រះសង្ឃគង់ចាំព្រះវស្សា និងចូលរួមកាន់វេនបិណ្ឌទី១២ នៅវត្តកោះធំ ក្នុងឃុំកោះធំ-ក ស្រុកកោះធំ។ ដោយក្នុងពិធីនេះមានការអញ្ជើញចូលរួមពី ឯកឧត្ដមអនុប្រធានក្រុមការងារគណបក្សស្រុក ទទួលជួយឃុំកោះធំ-ក លោក លោកស្រី ក្រុមការងារគណបក្សចុះមូលដ្ឋានទទួលជួយឃុំកោះធំ-ក ព្រមទាំងសមាជិក សមាជិកាក្នុងមូលដ្ឋានផងដែរ។ នៅក្នុងពិធីកាន់វេនបិណ្ឌនោះដែរ ឯកឧត្តម និង ក្រុមការងារបាននាំយកទេយ្យវត្ថុប្រគេនព្រះសង្ឃ រួមមាន កញ្ចប់ស្លាដក កន្រ្តកផ្លែឈើ កន្រ្តកភេសជ្ជៈ អង្ករ ទឹកត្រី ទឹកស៊ីអ៊ីវ មីជាតិ ត្រីខ ទឹកសុទ្ធ ទឹកក្រូច ទឹកផ្លែឈើ តែ ស្កស រួមទាំងបច្ច័យមួយចំនួន ក្នុងនោះមានបច្ច័យកសាងវត្ត និងប្រគេនព្រះសង្ឃ អាចារ្យ គណៈកម្មការវត្ត ដើម្បីអាចប្រើប្រាស់ទៅតាមតម្រូវការ។ ជាមួយគ្នានេះ ឯកឧត្ដម ក៏បាននាំយកថវិកាឧបត្ថម្ភសម្រាប់ស្ត្រីសម្រាលបុត្រ ចំនួន ៧រូប និងគ្រួសារមរណភាព ៣រូប និងបានឧបត្ថម្ភគណបក្សឃុំកោះធំ-ក និងក្រុមការងារយុវជនគណបក្ស ជូនសម្រាប់ឱកាសរដូវកាលបុណ្យភ្ជុំបិណ្ឌផងដែរ៕