មន្ត្រីជំនាញ និងអាជ្ញាធរពាក់ព័ន្ធចុះពិនិត្យស្ថានភាពរួម បញ្ហាប្រឈមលំនៅដ្ឋានមួយកន្លែងមិនទាន់ទទួលបានការសហការពីម្ចាស់ផ្ទះពេញលេញ ក្នុងគម្រោងសាងសង់ប្រព័ន្ធរំដោះទឹកសម្រាប់បញ្ចៀសការជន់លិច នៅរសៀលថ្ងៃទី១៥ ខែកញ្ញា ឆ្នាំ២០២៥ ឯកឧត្តម ចៅ សុភៈភិបាល អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ និងឯកឧត្តម ហ៊ាង វុត្ថា អគ្គនាយកនៃអគ្គនាយកដ្ឋានបច្ចេកទេស ក្រសួងសាធារណការ បានដឹកនាំក្រុមការងារបច្ចេកទេសរួមគ្នាចុះពិនិត្យស្ថានភាពរួម បញ្ហាប្រឈមលំនៅដ្ឋានមួយកន្លែងមិនទាន់ទទួលបានការសហការពីម្ចាស់ផ្ទះពេញលេញ និងពិនិត្យពីប្រសិទ្ឋភាពមុខងារបណ្តាញលូ ប្រព័ន្ធប្រឡាយបង្ហូរក្នុងរដូវវស្សានេះ ដែលវឌ្ឍនភាពបានសាងសង់ជិតបញ្ចប់ ១០០% នៃគម្រោងវិនិយោគបន្ទាន់លើហេដ្ឋារចនាសម្ព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្ត្ររាជធានីភ្នំពេញ (លូតាមបណ្តោយផ្លូវជាតិលេខ៤ និងផ្លូវរថភ្លើង) ។ ក្រុមការងារបានប្រគល់នូវកូនសោរសម្រាប់បិទបើកទ្វារទឹកចំនួន០២កន្លែងជាបណ្ដោះអាសន្នដល់លោកអភិបាលនៃគណៈអភិបាលខណ្ឌពោធិ៍សែនជ័យ ដើម្បីប្រើប្រាស់ពេលចាំបាច់ក្នុងការគ្រប់គ្រងប្រព័ន្ធបង្ហូរទឹក សម្រាប់បញ្ជៀសរំហូរទឹកហូរចូលរាជធានីភ្នំពេញជាពិសេសក្នុងតំបន់ចោមចៅ៕