ជំនួបសម្តែងការគួរសម និងពិភាក្សាការងារ ជាមួយគណៈប្រតិភូសមាគម KOWBA នៃទីក្រុង Kitakyushu ប្រទេសជប៉ុន ទីស្ដីការក្រសួង៖ នាថ្ងៃពុធ ទី១៣ ខែសីហា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញដឹកនាំគណៈប្រតិភូក្រសួងទទួលជួបសម្តែងការគួរសម និងពិភាក្សាការងារ ជាមួយគណៈប្រតិភូសមាគម KOWBA ដែលដឹកនាំដោយ Prof. SATO Yuya អនុប្រធានសមាគម KOWBA នៃទីក្រុង Kitakyushu ប្រទេសជប៉ុន ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។ ជំនួបនេះរៀបចំឡើងដើម្បីពិភាក្សាអំពីការពង្រឹងកិច្ចសហប្រតិបត្តិការការងារលើវិស័យទឹកកខ្វក់។ ឆ្លៀតក្នុងឱកាសនោះ ឯកឧត្តមរដ្ឋលេខាធិការ ក៏បានពាំនាំនូវមតិផ្តាំផ្ញើ និងថ្លែងអំណរគុណរបស់ឯកឧត្តមរដ្ឋមន្ត្រីជូនដល់គណ:ប្រតិភូជប៉ុន ដែលតែងតែយកចិត្តទុកដាក់ និងផ្ដល់ការគាំទ្រដល់ក្រសួងសាធារណការ និងដឹកជញ្ជូន ក៏ដូចជារដ្ឋបាលរាជធានីភ្នំពេញ លើការបណ្តុះបណ្តាលសមត្ថភាពធនធានមនុស្ស ក្នុងវិស័យទឹកកខ្វក់ និងសំណូមពរបន្តក្នុងការគាំទ្រនូវកិច្ចសហប្រតិបត្តិការ ការថែទាំ ការបណ្តុះបណ្តាលសមត្ថភាព បច្ចេកទេស និងប្រតិបត្តិការរបស់អង្គភាពលូទឹកនៃ មន្ទីរសាធារណការ និងដឹកជញ្ជូនរាជធានីភ្នំពេញ ក៏ដូចជាក្នុងវិស័យទឹកកខ្វក់ទាំងមូល និងសូមស្វាគមន៍ដល់ការចូលរួមវិនិយោគពីសមាគមKOWBA និងខាងដៃគូឯកជនជាមួយរដ្ឋ(PPP)ផងដែរ៕