កិច្ចប្រជុំពិនិត្យ និងពិភាក្សាលើការពិនិត្យឡើងវិញ និងការវិភាគមុខងារ និងរចនាសម្ព័ន្ធរបស់អគ្គនាយកដ្ឋានប្រព័ន្ធចម្រោះទឹកកខ្វក់ និងនាយកដ្ឋានក្រោមចំណុះនៃក្រសួងសាធារណការ និងដឹកជញ្ជូន ទីស្តីការក្រសួង៖ នារសៀលថ្ងៃពុធ ទី១៣ ខែសីហា ឆ្នាំ២០២៥ លោកជំទាវ ហួត លីដា អនុរដ្ឋលេខាធិការ បានដឹកនាំក្រុមការងារលេខាធិការដ្ឋានពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងសាធារណការ និងដឹកជញ្ជូន ជួបប្រជុំជាមួយក្រុមការងារនៃអគ្គនាយកដ្ឋានប្រព័ន្ធចម្រោះទឹកកខ្វក់ ដើម្បីពិនិត្យ និងពិភាក្សាលើតួនាទីភារកិច្ច និងការទទួលខុសត្រូវ ជាពិសេសការវិភាគលើមុខងារ និងរចនាសម្ព័ន្ធរបស់អគ្គនាយកដ្ឋានប្រព័ន្ធចម្រោះទឹកកខ្វក់ និងនាយកដ្ឋានក្រោមចំណុះ ឱ្យបានលម្អិត ច្បាស់លាស់ និងគ្រប់ជ្រុងជ្រោយ ស្របតាមបរិបទការងារដែលកំពុងអនុវត្តនាពេលបច្ចុប្បន្ន ដោយឈរលើអភិក្រម និងវិធានការគន្លឹះនានា ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាល នីតិកាលទី៧ នៃរដ្ឋសភា។