កិច្ចប្រជុំប្រចាំខែ ស្ដីពីលទ្ធផលការងារសម្រេចបានក្នុងខែមេសា និងទិសដៅការងារសម្រាប់ខែឧសភា ឆ្នាំ២០២៥ របស់អគ្គនាយកដ្ឋានបច្ចេកទេស ទីស្តីការក្រសួង៖ ថ្ងៃសុក្រ ទី៩ ខែ ឧសភា ឆ្នាំ២០២៥ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ដើម្បីពិនិត្យនូវលទ្ធផលការងារដែលសម្រេចបានក្នុងខែមេសា និងទិសដៅការងារសម្រាប់ខែឧសភា ឆ្នាំ២០២៥ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សាក្រសួង ឯកឧត្តមអគ្គនាយក នៃអគ្គនាយកដ្ឋានបច្ចេកទេស លោកអគ្គនាយករងបច្ចេកទេស លោកប្រធាននាយកដ្ឋានក្រោមឱវាទអគ្គនាយកដ្ឋាន ព្រមទាំងមន្ត្រីជំនាញពាក់ព័ន្ធជាច្រើនរូបផងដែរ។ កិច្ចប្រជុំនេះត្រូវបានរៀបចំឡើង ដើម្បីពិនិត្យនូវរាល់សកម្មភាពការងារដែលអគ្គនាយកដ្ឋានត្រូវអនុវត្ត ជាមួយនឹងការពិនិត្យលើលទ្ធផលការងារដែលសម្រេចបាននៅក្នុងខែមេសា ឆ្នាំ២០២៥ នេះ។ ទន្ទឹមនឹងលទ្ធផលការងារដែលសម្រេចបាន អង្គប្រជុំបានពិភាក្សាលើបញ្ហាប្រឈមនានា លើការអនុវត្តការងារកន្លងមក ដើម្បីស្វែងរកដំណោះស្រាយ ព្រមទាំងត្រៀមអនុវត្តផែនការសកម្មភាពសម្រាប់ខែឧសភា ឆ្នាំ២០២៥ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របទៅតាមផែនការសកម្មភាពរបស់អគ្គនាយកដ្ឋានដែលបានគ្រោងអនុវត្តប្រចាំឆ្នាំ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube