Kick-off Meeting នៃសិក្ខាសាលា "កម្មវិធីវាយតម្លៃវិស័យទឹក (WaterSAP)" រាជធានីភ្នំពេញ៖ នាថ្ងៃទី០៤ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញចូលរួម Kick-off Meeting នៃសិក្ខាសាលា "កម្មវិធីវាយតម្លៃវិស័យទឹក (WaterSAP)" ដែលរៀបចំ និងប្រព្រឹត្តទៅនៅការិយាល័យរបស់ធនាគារពិភពលោក។ សិក្ខាសាលានេះក៏មានការអញ្ជើញចូលរួមពី ឯកឧត្តមអនុរដ្ឋលេខាធិការ មន្ត្រីនៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ តំណាងក្រសួងសេដ្ឋកិច្ច និងហិរញ្ញវត្ថុ តំណាង Phillip Bank, SME Bank, FTB, CGCC, ACLEDA, Water.org, CARPRED និង CWA។ គោលបំណងចម្បងនៃការវិនិច្ឆ័យ WaterSAP គឺដើម្បីកំណត់ពីកង្វះខាតគោលនយោបាយ និងឱកាសដើម្បីកែលម្អនិរន្តរភាពហិរញ្ញវត្ថុ និងកៀរគរការវិនិយោគឆ្ពោះទៅរកសន្តិសុខទឹក និងគោលដៅអភិវឌ្ឍន៍ប្រកបដោយនិរន្តរភាព (SDGs) ដែលទាក់ទងនឹងទឹក ដោយធ្វើកំណែទម្រង់វិស័យ និងលើកកម្ពស់ការចូលរួមរបស់វិស័យឯកជន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube