កិច្ចប្រជុំពិនិត្យលទ្ធភាពធ្វើជាម្ចាស់ផ្ទះលើការរៀបចំវេទិកាកម្រិតខ្ពស់ លើកទី១៧ ស្ដីពីការដឹកជញ្ជូនប្រកបដោយនិរន្តភាពបរិស្ថានក្នុងតំបន់អាស៊ី ឆ្នាំ២០២៥ ទីស្ដីការក្រសួង៖ នាថ្ងៃទី១២ ខែមីនា ឆ្នាំ២០២៥ ឯកឧត្តម ឡេង ធនយុទ្ធា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃកិច្ចប្រជុំពិនិត្យលទ្ធភាពធ្វើជាម្ចាស់ផ្ទះលើការរៀបចំវេទិកាកម្រិតខ្ពស់ លើកទី១៧ ស្ដីពីការដឹកជញ្ជូនប្រកបដោយនិរន្តភាពបរិស្ថានក្នុងតំបន់អាស៊ី (The High-Level 17th Regional Environmental Sustainable Transport (EST) Forum in Asia 2025) ដោយមានការអញ្ជើញចូលរួមពី ឯកឧត្តមអគ្គនាយក លោកអគ្គនាយករង ព្រមទាំងមន្ត្រីជំនាញពាក់ព័ន្ធ។ កិច្ចប្រជុំនេះរៀបចំឡើងក្នុងគោលបំណង ដើម្បីពិភាក្សាជាមួយអគ្គនាយកដ្ឋានជំនាញពាក់ព័ន្ធ ក្នុងការពិនិត្យលទ្ធភាពធ្វើជាម្ចាស់ផ្ទះរបស់កម្ពុជា លើការរៀបចំវេទិកា EST Forum in Asia ដែលគ្រោងនឹងប្រព្រឹត្តិទៅនៅអំឡុងខែវិច្ឆិកា ឬខែធ្នូ ឆ្នាំ២០២៥ ខាងមុខនេះ។ សូមជម្រាបជូនផងដែរថា វេទិកាស្ដីពីការដឹកជញ្ជូនប្រកបដោយនិរន្តភាពបរិស្ថានក្នុងតំបន់អាស៊ី (EST Forum in Asia) ត្រូវបានបង្កើតឡើងក្នុងឆ្នាំ២០០៤ នៅក្រោមឆ័ត្ររបស់មជ្ឈមណ្ឌល នៃអង្គការសហប្រជាជាតិសម្រាប់ការអភិវឌ្ឍក្នុងតំបន់ (United Nations Centre for Regional Development – UNCRD) និងបានរៀបចំជារៀងរាល់ឆ្នាំ ចាប់ពីឆ្នាំ២០០៥ មកម្ល៉េះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube