កិច្ចប្រជុំពិភាក្សាការងារ ដើម្បីដោះស្រាយបញ្ហាប្រឈមពាក់ព័ន្ធវិស័យភស្តុភារកម្មនៅកម្ពុជា រាជធានីភ្នំពេញ៖ នាព្រឹកថ្ងៃចន្ទ ទី១៦ ខែធ្នូ ឆ្នាំ២០២៤ នៅសាលប្រជុំក្រុមប្រឹក្សាអភិវឌ្ឍន៍កម្ពុជា ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានគណៈកម្មាធិការជាតិភស្តុភារកម្ម បានអញ្ជើញចូលរួមកិច្ចប្រជុំពិភាក្សាការងារ ដើម្បីដោះស្រាយបញ្ហាប្រឈមពាក់ព័ន្ធវិស័យភស្តុភារកម្មនៅកម្ពុជា ក្រោមកិច្ចដឹកនាំរបស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមប្រឹក្សាជាតិភស្តុភារកម្ម ដោយមានការចូលរួមពី ឯកឧត្តម លោកជំទាវ ដែលជាថ្នាក់ដឹកនាំក្រសួង អន្តរក្រសួងពាក់ព័ន្ធ និងក្រុមហ៊ុនវិនិយោគនៅកម្ពុជាមួយចំនួនផងដែរ។ កិច្ចប្រជុំនាឱកាសនេះ បានប្រព្រឹត្តទៅយ៉ាងរលូន តាមរបៀបវារៈដែលបានគ្រោងទុកចំនួន ៣វគ្គ រួមមាន៖ ១-បច្ចុប្បន្នភាពនៃការអភិវឌ្ឍគម្រោងភស្តុភារកម្មរាជធានីភ្នំពេញ (PP-LC) ដោយ YCH Group របស់សិង្ហបុរី ២-បច្ចុប្បន្នភាពនៃការអភិវឌ្ឍ គម្រោងភស្តុភារកម្មក្រុងព្រះសីហនុ (SHV-LC) ដោយ International Finance Corporation (IFC) និង ៣-ការធ្វើបទបង្ហាញរបស់ EuroCham ស្តីពីបញ្ហាប្រឈមសម្រាប់ប្រតិបត្តិការអាជីវកម្មនៅកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube