វេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល សម្រាប់នីតិកាលទី៧ នៃរដ្ឋសភា នៅស្រុកពេជ្រាដា មណ្ឌលគិរី៖ នាព្រឹកថ្ងៃសុក្រ ទី១៦ ខែឧសភា ឆ្នាំ២០២៥ រដ្ឋបាលស្រុកពេជ្រាដា បានរៀបចំវេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល សម្រាប់នីតិកាលទី៧ នៃរដ្ឋសភា ក្រោមការដឹកនាំដោយ ឯកឧត្តម អ៊ីន តុងអាន អនុរដ្ឋលេខាធិការ ទីស្តីការគណ:រដ្ឋមន្រ្តី និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកពេជ្រាដា លោក ឌឹម នី អភិបាលរងខេត្ត លោកខាំផង ជា អភិបាលរងស្រុកពេជ្រាដា ដោយមានអ្នកចូលរួមសរុបចំនួន ៧៣នាក់ នៅភូមិពូជ្រៃចាង ឃុំពូជ្រៃ ស្រុកពេជ្រាដា។ វេទិកានេះរៀបចំឡើងជួបសំណេះសំណាល សួរសុខទុក្ខ និងស្ដាប់សភាពការណ៍ បញ្ហាប្រឈម សំណូមពរនិងកង្វល់នានារបស់ប្រជាពលរដ្ឋផ្ទាល់នៅមូលដ្ឋានដើម្បីជួយដោះស្រាយជូនពួកគាត់ឱ្យមានប្រសិទ្ធភាព។ នៅក្នុងដំណើរការកំពុងប្រព្រឹត្តទៅរបស់អង្គវេទិកា បងប្អូនប្រជាពលរដ្ឋដែលបានអញ្ជើញចូលរួម បានលើកឡើងពីបញ្ហាកង្វល់ ក៏ដូចជាសំណូមពរផ្សេងៗមកកាន់ក្រុមការងាររាជរដ្ឋាភិបាលស្នើសុំជួយដោះស្រាយ ទៅលើវិស័យមួយចំនួន រួមមាន៖ វិស័យសុខាភិបាល អប់រំ ដីធ្លី កសិកម្ម អគ្គិសនី និងអភិវឌ្ឍន៍ជនបទ ជាដើម៕