កិច្ចប្រជុំបូកសរុបលទ្ធផលការងារលើ “គម្រោងរៀបចំផែនការមេប្រព័ន្ធដឹកជញ្ជូនឆ្លាតវៃដោយផ្អែកលើ Big data នៅកម្ពុជា” ទីស្តីការក្រសួង៖ នៅថ្ងៃសុក្រ ទី២២ ខែវិចិ្ឆកា ឆ្នាំ២០២៤ ឯកឧត្ដម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានអញ្ជើញប្រជុំបូកសរុបលទ្ធផលការងារលើ “គម្រោងរៀបចំផែនការមេប្រព័ន្ធដឹកជញ្ជូនឆ្លាតវៃដោយផ្អែកលើ Big data នៅកម្ពុជា” ជាមួយក្រុមការងារគម្រោងមកពីសាធារណរដ្ឋកូរ៉េ ដើម្បីពិភាក្សាឆ្លងរបាយការណ៍វឌ្ឍនភាព នៃគម្រោងប្រចាំឆ្នាំ២០២៤ និងពិនិត្យពិភាក្សាលើការរៀបចំទីតាំងដំឡើងគ្រឿងបរិក្ខារសម្រាប់អនុវត្តសាកល្បង (Pilot Project) លើកំណាត់ផ្លូវមួយចំនួនក្នុងរាជធានីភ្នំពេញ ។ កិច្ចប្រជុំនេះ មានការចូលរួមពីលោកអគ្គនាយករង លោកប្រធាន អនុប្រធាននាយកដ្ឋានដឹកជញ្ជូនសាធារណៈក្រុង លោក អនុប្រធាននាយកដ្ឋានដឹកជញ្ជូនផ្លូវគោក លោកប្រធានការិយាល័យ និងមន្រ្តីពាក់ព័ន្ធ ព្រមទាំងតំណាងអគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ផងដែរ។ គោលបំណងនៃគម្រោងនេះ គឺដើម្បីសិក្សាលទ្ធភាពជួយដោះស្រាយបញ្ហាកកស្ទះ និងគ្រោះថ្នាក់ចរាចរណ៍នៅរាជធានីភ្នំពេញ បង្កើតគោលនយោបាយតាមរយៈប្រព័ន្ធដឹកជញ្ជូនឆ្លាតវៃ (ITS)៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube