កិច្ចប្រជុំជាមួយក្រុមអ្នកជំនាញការ AIIB ដើម្បីពិភាក្សាលើបេសកកម្មចុះពិនិត្យមើលទីតាំងជាក់ស្តែងលើកទី២ និងការរៀបចំ គម្រោងជំរុញការតភ្ជាប់ហេដ្ឋារចនាសម្ព័ន្ធច្រកទ្វារព្រំដែន ក្នុងព្រះរាជាណាចក្រកម្ពុជា (3CEP) ទីស្តីការក្រសួង៖ នាថ្ងៃចន្ទ ទី១៨ ខែវិច្ឆិកា ឆ្នាំ២០២៤ ឯកឧត្តម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន តំណាងលោកជំទាវ ឥម នីថារ៉ា រដ្ឋលេខាធិការ និងជានាយកគម្រោង 3CEP បានអញ្ជើញប្រជុំជាមួយក្រុមអ្នកជំនាញការ Asian Infrastructure Investment Bank (AIIB) ដើម្បីពិភាក្សាលើបេសកកម្មចុះពិនិត្យមើលទីតាំងជាក់ស្តែងលើកទី២ និងការរៀបចំគម្រោងជំរុញការតភ្ជាប់ហេដ្ឋារចនាសម្ព័ន្ធច្រកទ្វារព្រំដែន ក្នុងព្រះរាជាណាចក្រកម្ពុជា (Cambodia-Cross Border Connectivity Enhancement Project -3CEP) ដោយមានការចូលរួមពី ឯកឧត្តម លោក លោកស្រី មន្រ្តីបច្ចេកទេស សមាជិក សមាជិកាគម្រោង និងមន្ត្រីពាក់ព័ន្ធជាច្រើនរូប។ កិច្ចប្រជុំនេះត្រូវបានរៀបចំឡើងរយៈពេល២ថ្ងៃ ចាប់ពីថ្ងៃទី១៨-១៩ ខែវិច្ឆិកា ឆ្នាំ២០២៤ ក្នុងគោលបំណងសំខាន់ៗចំនួន២គឺ៖ ១.) ពន្លឿនកិច្ចការងារពាក់ព័ន្ធដែលនៅសេសសល់ផ្សេងៗ សំដៅជំរុញបញ្ចប់ដំណាក់កាលរៀបចំរបស់គម្រោង និង ២.) ចុះត្រួតពិនិត្យជាក់ស្ដែង (លើកទី២) លើទីតាំងសំខាន់ៗរបស់គម្រោង ដើម្បីត្រៀមរៀបចំសិក្សាសមិទ្ធិលទ្ធភាព និងគំនូសប្លង់លម្អិតរបស់គម្រោង សំដៅធ្វើយ៉ាងណាឱ្យគម្រោងនេះអាចអនុវត្តបានឆាប់ ប្រកបដោយប្រសិទ្ធភាព ដែលនឹងបម្រើដល់ការអភិវឌ្ឍសេដ្ឋកិច្ចឆ្លងកាត់ព្រំដែន នៃព្រះរាជាណាចក្រកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube