វេទិកាស្តីពី "ភាពជាអ្នកដឹកនាំ និងកិច្ចសហប្រតិបត្តិការ" រវាងអ្នកជំនាញមកពីប្រទេសអូស្ត្រាលី និងកម្ពុជា (Leadership and Collaboration Forum) ភ្នំពេញ៖ នាថ្ងៃពុធ ទី៣០ ខែតុលា ឆ្នាំ២០២៤ លោកជំទាវ កុយ សុដានី រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងវេទិកាស្តីពី "ភាពជាអ្នកដឹកនាំ និងកិច្ចសហប្រតិបត្តិការ (Leadership and Collaboration Forum)" ដោយមានការអញ្ជើញចូលរួមពីថ្នាក់ដឹកនាំក្រសួង អ្នកជំនាញប្រទេសអូស្ត្រាលី និង លោក-លោកស្រី ជាមន្ត្រីរាជការនៃក្រសួងសាធារណការ និងដឹកជញ្ជូន សរុបប្រមាណ ៦០នាក់។ វេទិកាស្តីពី "ភាពជាអ្នកដឹកនាំ និងកិច្ចសហប្រតិបត្តិការ" ត្រូវបានរៀបចំឡើងក្នុងគោលបំណងដើម្បីពង្រឹងសមត្ថភាព ចែករំលែកនូវបទពិសោធន៍ក្នុងភាពជាអ្នកដឹកនាំ និងជំរុះភាពជាអ្នកដឹកនាំរបស់ស្ត្រីនៅក្នុងក្រសួងសាធារណការ និងដឹកជញ្ជូន ដើម្បីផ្ដល់ជាមូលដ្ឋានគ្រឹះសម្រាប់ការពង្រឹងកិច្ចសហប្រតិបត្តិការនាពេលអនាគត។ សិក្ខាសាលានេះប្រពឹត្តទៅរយៈពេល២ថ្ងៃ ចាប់ពីថ្ងៃទី៣០ ដល់ថ្ងៃទី៣១ ខែតុលា ឆ្នាំ២០២៤ ដោយអញ្ជើញបើកវេទិកា ដោយលោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន។ សូមបញ្ជាក់ជូនផងដែរថា៖ វគ្គបណ្តុះបណ្តាលនេះ បានអនុវត្តតាមគោលនយោបាយរាជរដ្ឋាភិបាលកម្ពុជា ដែលតែងគាំពារ គាំទ្រដល់ការអភិវឌ្ឍ និងផលប្រយោជន៍របស់ស្ត្រី ស្របតាមពាក្យស្លោកប្រកបដោយគតិបណ្ឌិត និងមានអត្ថន័យគ្រប់ជ្រុងជ្រោយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា គឺ “ពិភពលោកនឹងកាន់តែមានសុវត្ថិភាព ស្រស់បំព្រង និងកក់ក្តៅជាងមុន ប្រសិនបើមានស្ត្រីក្លាយជាអ្នកដឹកនាំកាន់តែច្រើន”៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube