កិច្ចប្រជុំពិភាក្សា ជាមួយគណៈប្រតិភូ UK Regional Infrastructure and Urban Advisor ស្តីអំពី UK-Cambodian Green Strategic Infrastructure Partnership តាមរយ:ប្រព័ន្ធវីដេអូពីចម្ងាយ ទីស្ដីការក្រសួង៖ នារសៀលថ្ងៃអង្គារ ទី២៧ ខែសីហា ឆ្នាំ២០២៤ ឯកឧត្ដម ហេង ណន រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សា ជាមួយគណៈប្រតិភូ UK Regional Infrastructure and Urban Advisor ស្តីអំពី UK-Cambodian Green Strategic Infrastructure Partnership តាមរយ:ប្រព័ន្ធវីដេអូពីចម្ងាយ ដោយមានការចូលរួមពីលោកជំទាវអនុរដ្ឋលេខាធិការ ឯកឧត្ដមអគ្គនាយក លោកអគ្គនាយករង និងមន្ត្រីជំនាញពាក់ព័ន្ធ។ កិច្ចប្រជុំនេះរៀបចំឡើងក្នុងគោលបំណងពិនិត្យពិភាក្សាអំពីលទ្ធភាពនៃការរៀបចំគម្រោងជំនួយបច្ចេកទេស TA (Technical Assistance) របស់រដ្ឋាភិបាលអង់គ្លេស ដើម្បីជួយដល់ក្រសួងសាធារណការ និងដឹកជញ្ជូននៅក្នុង៖ (១) ការរៀបចំផែនការពង្រឹងសមត្ថភាពមន្រ្តីរាជការក្នុងការអនុវត្ត និងការត្រួតពិនិត្យនិងវាយតម្លៃ M&E (Monitoring & Evaluation) ផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្ម២០២៣-២០៣៣ និង (២) ការរៀបចំក្រុមការងារដើម្បីពិនិត្យទៅលើប្រព័ន្ធសមាហរណកម្មដឹកជញ្ជូន (Integrated Transport System) នៅទីក្រុងភ្នំពេញ ហើយឯកសារទស្សនទាននៃគម្រោងជំនួយបច្ចេកទេស ដែលស្ថិតនៅក្រោមក្របខណ្ឌ UK-Cambodia Green Strategic Infrastructure Partnership នឹងត្រូវបានកែសម្រួលឡើងវិញ ដើម្បីសំយោគបញ្ចូលនូវចំណុចដែលជាតម្រូវការចាំបាច់របស់ក្រសួងសាធារណការ និងដឹកជញ្ចូន ក្នុងការអភិវឌ្ឍវិស័យហេដ្ឋារចនាសម្ព័ន្ធដឹកជញ្ជូន និងឡូជីស្ទីកនៅកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube