កិច្ចប្រជុំលើកទី៣ លើគម្រោង JICA SDG’s Business Verification លើការស្ទង់មតិផ្ទៀងផ្ទាត់ធុរកិច្ចរបស់ក្រុមហ៊ុន SkymatiX ក្រោមជំនួយផ្នែកហិរញ្ញវត្ថុពី JICA ទីស្ដីការក្រសួង៖ នារសៀលថ្ងៃចន្ទ ទី៣ ខែមិថុនា ឆ្នាំ២០២៤ ឯកឧត្តម ហេង រត្នពិសិដ្ឋ អគ្គនាយក នៃអគ្គនាយកដ្ឋានសាធារណការ បានអញ្ជើញដឹកនាំកិច្ចប្រជុំលើកទី៣ លើគម្រោង JICA SDG’s Business Verification Survey លើការស្ទង់មតិផ្ទៀងផ្ទាត់ធុរកិច្ចជាមួយវិស័យឯកជនសម្រាប់ការណែនាំការស្ទង់មតិ និងការគ្រប់គ្រងហេដ្ឋារចនាសម្ព័ន្ធ ដោយប្រើប្រាស់បច្ចេកវិទ្យា Drone Sensing ពីចម្ងាយ តាមរយៈក្រុមហ៊ុន SkymatiX និងស្ថិតក្រោមជំនួយផ្នែកហិរញ្ញវត្ថុពី JICA។ កិច្ចប្រជុំនេះមានការចូលរួមពីមន្រ្តីបច្ចេកទេសរបស់ក្រសួងសាធារណការ និងដឹកជញ្ជូន មន្ទីរសាធារណការ និងដឹកជញ្ជូនរាជធានី/ខេត្ត រួមមាន មន្ទីររាជធានីភ្នំពេញ មន្ទីសៀមរាប បាត់ដំបង កំពង់ឆ្នាំង និងមន្ទីរខេត្តកំពង់ចាម។ កិច្ចប្រជុំនេះត្រូវបានរៀបចំឡើង គោលបំណងក្នុងការបញ្ជ្រៀបការប្រើប្រាស់ឧបករណ៍ដ្រូន"Drone" ក្នុងការងារឋានលេខា (Road Survey) ដោយមានជំនួយពីកម្មវិធី KUMIKI របស់ក្រុមហ៊ុន SkymatiX ដែលអាចសម្រួលនិងពន្លឿនដល់ការងារសិក្សាវាស់វែងក្នុងគម្រោងផ្លូវថ្នល់។