ជំនួបពិភាក្សាការងារជាមួយគណៈប្រតិភូក្រុមហ៊ុន MANHATTAN INTERNATIONAL CO., LTD. (តំបន់សេដ្ឋកិច្ចពិសេស មេនហាតធេន) និងក្រុមហ៊ុន Surbana Jurong Group (SJ Singapore) លើកិច្ចសហប្រតិបត្តិការវិនិយោគក្នុងវិស័យដឹកជញ្ជូន និងភស្តុភារកម្ម ទីស្ដីការក្រសួង៖ នារសៀលថ្ងៃអង្គារ ទី០៩ ខែមេសា ឆ្នាំ២០២៤ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយ គណៈប្រតិភូក្រុមហ៊ុន MANHATTAN INTERNATIONAL CO., LTD (MSEZ) ដឹកនាំដោយលោក Uknhar YANG Clement ជាប្រធានក្រុមប្រឹក្សាភិបាល និង លោក LIM Hong Kian ជានាយកប្រតិបត្តិក្រុមហ៊ុន SJ ដោយមានការអញ្ជើញចូលរួមពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធ។ ជំនួបនេះធ្វើឡើងក្នុងគោលបំណងសិក្សាពិនិត្យឱកាសវិនិយោគលើវិស័យហេដ្ឋារចនាសម្ព័ន្ធដឹកជញ្ជូនដោយក្រុមហ៊ុន MANHATTAN INTERNATIONAL CO., LTD ដើម្បីតភ្ជាប់តំបន់សេដ្ឋកិច្ចពិសេស មេនហាតធេន ទៅបណ្តាញនៃដឹកជញ្ជូនក្នុងប្រទេសកម្ពុជា និងតំបន់ ក្នុងគោលដៅទាក់ទាញអ្នកវិនិយោគបន្ថែមទៀតលើការផលិតយានយន្ត ពិសេសការផលិតយានយន្តអគ្គីសនី។ គណៈប្រតិភូក្រុមហ៊ុនបានស្នើសុំការគាំទ្រពីក្រសួងសាធារណការ និងដឹកជញ្ជូន ក្នុងគម្រោងវិនិយោគលើវិស័យដឹកជញ្ជូនតាមផ្លូវគោក និងភស្តុភារកម្មនេះ ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube