សូមស្តាប់ការចែករំលែកបទពិសោធន៍របស់និស្សិត រី សារ៉ន កំពុងសិក្សាឆ្នាំទី៥ ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ ដែលបានបម្រើការងារជាមួយក្រុមហ៊ុនជាដៃគូសហការរបស់វិទ្យាស្ថានតេជោសែន សាធារណការ និងដឹកជញ្ជូន សូមចូលរួមស្តាប់ការចែករំលែកបទពិសោធន៍របស់និស្សិត រី សារ៉ន កំពុងសិក្សាឆ្នាំទី៥ ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ បានបង្ហាញចំណាប់អារម្មណ៍ពីឱកាសដែលបានបម្រើការងារជាមួយក្រុមហ៊ុនដែលជាដៃគូសហការ និងឱកាសនានា ដែលវិទ្យាស្ថានតេជោសែន សាធារណការ និងដឹកជញ្ជូន(TSIPWT) ផ្តល់ឱ្យ។ សូមបញ្ជាក់ផងដែរថា៖ ថ្នាក់វិស្វករសំណង់ស្ពាន-ថ្នល់តម្រូវឱ្យនិស្សិតសិក្សារយ:ពេល៥ឆ្ន្នាំ និងបំពេញកាតព្វកិច្ចចុះកម្មសិក្សា សរសេរសារណា ហើយឡើងការពារដើម្បីបញ្ចប់ការសិក្សាថ្នាក់វិស្វករ។ ហេតុនេះ និស្សិតវិស្វករដែលសិក្សានៅ TSIPWT នឹងទទួលបានឱកាសប្រកួតប្រជែងខ្ពស់ ព្រោះវិទ្យាស្ថាន ជាគ្រឹះស្ថានឧត្ដមសិក្សាសាធារណៈ ដែលបណ្ដុះបណ្ដាល និងកសាងធនធានមនុស្ស ក្នុងវិស័យវិស្វករស្ពាន-ថ្នល់ និងជំនាញនានាក្នុងវិស័យសំណង់សាធារណការ ដើម្បីឆ្លើយតបទៅនឹងតម្រូវការបច្ចុប្បន្ន។ បន្ថែមពីនេះ វិទ្យាស្ថានមិនត្រឹមតែមានដៃគូសហការ ជាមួយមន្ទីរសាធារណការ និងដឹកជញ្ជូន រាជធានី-ខេត្តប៉ុណ្ណោះទេ TSIPWTក៏មានដៃគូសហការជាមួយនឹងក្រុមហ៊ុនសាងសង់ធំៗ ជាតិ និងអន្តរជាតិជាច្រើន នឹងកំពុងបន្តកិច្ចសហការជាមួយក្រុមហ៊ុនដៃគូបន្ថែម ដើម្បីជួយដល់និស្សិតវិទ្យាស្ថាន៕