ក្រោយទទួលបានព័ត៌មាន ពីប្រជាពលរដ្ឋយើង ឯកឧត្តមទេសរដ្ឋមន្ត្រី ស៊ុន ចាន់ថុល បានចាត់វិធានការភ្លាមៗ ដោយបញ្ជូនមន្ត្រីជំនាញ ចុះពិនិត្យ និងលុបឆ្នូតរំញ័រ នៅតាមបណ្តោយផ្លូវជាតិលេខ០១ ត្រង់ចំណុចមុខសាលាបឋមសិក្សា ហ៊ុន សែន ស្លាកែត និងទីតាំងមួយចំនួនទៀត សំដៅកាត់បន្ថយសម្លេងរំខាន ដល់សិ្សានុសិស្ស និងបងប្អូនប្រជាពលរដ្ឋដែលរស់នៅតាមបណ្តោយផ្លូវនោះ។ ទន្ទឹមនឹងនេះ ក្រសួងសាធារណការ និងដឹកជញ្ជូនសូមអំពាវនាវដល់ អ្នករស់នៅតាមបណ្តោយផ្លូវសាធារណៈ មានការប្រុងប្រយ័ត្ន ក្នុងការពេលដើរឆ្លងកាត់ទ្រូងផ្លូវ និងសូមអ្នកបើកបរ ត្រូវបើកបរ ប្រកបដោយការប្រុងប្រយ័ត្ន និងទំនួលខុសត្រូវខ្ពស់។ សូមអរគុណ សម្រាប់បងប្អូនប្រជាពលរដ្ឋយើង ដែលបានផ្តល់ព័ត៌មានមកកាន់យើងខ្ញុំ! សូមធ្វើដំណើរប្រកបដោយសុវត្ថិភាពគ្រប់ពេលវេលា គ្រប់ទីកន្លែង!